الماتى وبلىسى، ۇيعىر اۋدانىندا العاش رەت پلاستيك جاشىك وندىرەتىن وندىرىستىك سەح ىسكە قوسىلدى. كاسىپورىن قايتا وڭدەلگەن شيكىزاتتان ساپالى ءونىم جاساپ، جىلىنا 600 مىڭ دانا جاشىك شىعارۋعا قاۋقارلى. جوبانى جۇزەگە اسىرۋعا 50 ميلليون تەڭگە ينۆەستيسيا سالىنىپ، 10 جاڭا جۇمىس ورنى اشىلدى، - دەپ حابارلايدى Dalanews.kz

زاماناۋي تەحنولوگيالارمەن جابدىقتالعان ءوندىرىس ورنى ءونىمنىڭ بەرىكتىگى مەن ەكولوگيالىق تازالىعىن قامتاماسىز ەتەدى. مۇندا جاشىكتەر حالىقارالىق ستاندارتتارعا ساي قۇيىلىپ، بارلىق تاسىمالداۋ جانە ساقتاۋ تالاپتارى قاتاڭ ساقتالادى. قازىرگى وندىرىستىك قۋاتى اۋداننىڭ جاشىككە دەگەن قاجەتتىلىگىنىڭ 50 پايىزىن وتەي الادى.

كاسىپورىن الداعى ۋاقىتتا ءوندىرىس كولەمىن ەكى ەسەگە ارتتىرۋدى جوسپارلاپ وتىر. جاڭا قۇرىلعىلار ورناتىلىپ، جىلدىق ءونىم كولەمىن 1،2 ميلليون داناعا دەيىن ۇلعايتۋ كوزدەلۋدە. بۇل جوبا ايماقتىڭ ونەركاسىپتىك الەۋەتىن ارتتىرىپ قانا قويماي، جەرگىلىكتى تۇرعىنداردى جۇمىسپەن قامتۋعا جانە پلاستيك قالدىقتارىن ءتيىمدى پايدالانۋعا مۇمكىندىك بەرمەك.

ۇيعىر اۋدانىنىڭ اكىمى بوتا ەلەۋسيزوۆا جاڭا ءوندىرىستىڭ اشىلۋى ءوڭىر ەكونوميكاسىن دامىتۋعا زور ۇلەس قوساتىنىن اتاپ ءوتتى.

“بۇل كاسىپورىن اۋدانىمىز ءۇشىن ماڭىزدى باستاما. بىرىنشىدەن، جاڭا جۇمىس ورىندارى اشىلىپ، جەرگىلىكتى تۇرعىندار تۇراقتى جۇمىسپەن قامتىلدى. ەكىنشىدەن، وڭىرىمىزدەگى ونەركاسىپ سالاسى دامىپ، پلاستيك قالدىقتارىن قايتا وڭدەۋ ارقىلى ەكولوگياعا دا وڭ اسەر ەتەمىز. بولاشاقتا وسىنداي وندىرىستەردىڭ سانى ارتا بەرەدى دەپ سەنەمىز”، – دەدى اۋدان اكىمى.

جاڭا ءوندىرىس ورنىنىڭ ىسكە قوسىلۋى ۇيعىر اۋدانىنىڭ ونەركاسىپتىك الەۋەتىن ارتتىرىپ، جاس كاسىپكەرلەرگە ۇلگى بولماق.