"قازاقستان عارىش ساپارى" ۇلتتىق كومپانيياسى مالايزييالىق ينۆەستورمەن ارادا جاسالعان ٸرٸ كەلٸسٸمشارتتىڭ بۇزىلۋىنا قاتىستى اقپاراتقا تٷسٸنٸكتەمە بەردٸ, دەپ حابارلايدى Dalanews.kz.
ايتا كەتسەك, وسى نەگٸزدە الدىندا ارنايى باسپاسٶز مەسليحاتىن ۇيىمداستىرعان شەتەلدٸك كومپانييا قازعارىشساپارىمەن اراداعى جوباعا 20 ملرد تەڭگە سالىپ ٷلگەرگەندەرٸن, بۇل قاراجاتقا استانادا مەكتەپ, تۇرعىن ٷي كەشەنٸ سالىنىپ, قاجەتتٸ كوممۋنيكاتسييالار تارتىلعانىن مەلٸمدەگەن ەدٸ. كەسٸپكەرلەردٸڭ ايتۋىنشا, ودان ارى قاراي ەلٸ 96 ملرد تەڭگە كٶلەمٸندە ينۆەستيتسييا سالۋ جوسپارلانعان.
ۇلتتىق كومپانييا King Development كومپانيياسىمەن 2018 جىلى استانادا ۇلتتىق عارىش ورتالىعىنىڭ ەلەۋمەتتٸك ينفراقۇرىلىمىن سالۋ جٶنٸندە كەلٸسٸمشارت جاسالعانىن ناقتىلادى, دەپ حابارلايدى Informburo.kz. ينۆەستورعا ۇزاقمەرزٸمگە پايدالانۋ ٷشٸن 14,5 گەكتەر جەر تەلٸمٸ دە بەرٸلگەن ەكەن.
"التى جىل ٸشٸندە جوسپارلانعان التى تۇرعىن ٷي بلوگىنىڭ بٸرەۋٸ عانا تولىعىمەن سالىنعان. قالعاندارىنىڭ قۇرىلىسى بەلگٸلەنگەن مەرزٸمدە جەنە قازٸرگٸ ۋاقىتقا دەيٸن اياقتالماعان, تٸپتٸ تٶرت بلوك بويىنشا قۇرىلىس جۇمىستارى كەلٸسكەن مەرزٸمگە ساي قولعا الىنباعان دا. بۇل اراداعى قارىم-قاتىناستىڭ بۇزىلۋىنىڭ نەگٸزگٸ سەبەپتەرٸنٸڭ بٸرٸ بولدى, ٶيتكەنٸ وبەكتٸلەردٸ تاپسىرۋدىڭ بەلگٸلەنگەن مەرزٸمدەرٸ ٶرەسكەل بۇزىلدى. ونىڭ ٷستٸنە, كەلٸسٸمشارتتىڭ 3.4-تارماعىنا سەيكەس, King Development نىسانالى قولدانىسقا مٷمكٸندٸك بەرەتٸن ينفراقۇرىلىمداردى دامىتۋ ٷشٸن جەر ۋچاسكەلەرٸنە ينجەنەرلٸك جەلٸلەردٸ ٶز ەسەبٸنەن سالۋى مٸندەتتٸ", دەلٸنگەن "قازاقستان عارىش ساپارى" حابارلاماسىندا.
سونىمەن قاتار ۇلتتىق كومپانييا ينۆەستور جالداۋ اقىسىن بەلگٸلەنگەن مەرزٸمنەن جٷيەلٸ تٷردە كەشٸكتٸرٸپ تٶلەگەنٸن دە ايتادى.
"بٸز ولاردىڭ جاعدايىمەن ساناسىپ, مەرزٸمدەردٸ شەگەرٸپ, جالداۋ شارتتارىن جەڭٸلدەتتٸك. بارلىعى وسىنداي جەتٸ قوسىمشا كەلٸسٸمگە قول قويىلدى, بٸراق قۇرىلىس جۇمىستارى ەشقاشان تولىقتاي قالپىنا كەلگەن ەمەس", - دەيدٸ ۇلتتىق كومپانيياداعىلار.
