Zaiyrly elde bilimi joǵary dintanýshylar qajet
Din taqyryby qai qoǵamda bolsyn ózektiligin joǵaltpaǵan. Sebebi, din áleýmettenýdiń bir bóligine ainaldy. Dini saýattyń azdyǵynan qanshama jas jat aǵymnyń jetegine erip, shetel asyp ketti. Elde júrip salafizm qurbanyna ainalyp, shoqynyp, kúnge tabynyp ketýshilerdiń sany da áli tolastar emes. Osy oraida, bizdiń elimizge barlyq dinge zaiyrly turǵydan qarap, baǵa bere alatyn dintanýshy sarapshy mamandar óte qajet.
Memleket tarapynan atalǵan mamandyq ielerine tegin oqý granttary da bólinip jatyr. Iaǵni, óz elimizde dintaný boiynsha sapaly bilim alýǵa múmkindik bar. Osy rette oblys ákimi Danial Ahmetovtiń tapsyrmasy boiynsha sońǵy úsh jyl ishinde oblystyq din isteri basqarmasy oblystyq biýdjet qarajaty esebinen otandyq teologiialyq oqý oryndarynda oqýǵa niet bildirgen úmitkerlerge irikteý júrgizýde. Baiqaý negizinde túlekter elimizdegi teologiialyq, dini bilim beretin joǵarǵy oqý oryndarynda bilimin jetildirip, bilikti maman retinde qalyptasýyna múmkindik bar.
2019 jyldan beri "Nur-Múbarak» Egipet islam mádenieti ýniversitetine 9 talapker joldama alsa, aldaǵy oqý jylynda taǵy úsh talapkerdi jiberý josparlanýda.
Onyń ústine, joǵaryda atap ótkenimdei, dintaný mamandyǵy týraly áli kúnge deiin durys kózqaras qalyptaspaǵan. Dintaný sońǵy on jyldyqta ǵana júieli túrde oqytylyp kele jatyr. Al dintaný mamandaryn oqytý qoǵam úshin mańyzdy jáne jastar tárbiesinde alar orny da erekshe. Endi shyǵysqazaqstandyq mektep bitirýshiler Sársen Amanjolov atyndaǵy ShQMÝ-de dintaný mamandyǵy boiynsha bilim ala alady. Bul ózge óńirlerge shyqpai, jergilikti jerde bilim alýǵa múmkindik berip otyr. Dindi tanýǵa degen qyzyǵýshylyq negizinen mektep túlekterinde baiqalady. Sondyqtan olardy ýaqytynda durys baǵytqa baǵyttaý óte mańyzdy. Endi jastarymyz sheteldik belgisiz, bilim berý úrdisi qaýipti oqý oryndaryna barmai, óz elimizde sapaly bilim ala alady.
Sondai-aq, atalmysh oqý orynnyń dintaný mamandyǵynyń stýdentteri Shyǵys Qazaqstan oblysynyń din máselelerin zertteý ortalyǵynda tiisti tájiribeden ótip, teologiialyq jumysta praktikalyq daǵdylaryn shyńdai alady.
Elimizde joǵary rýhani bilim berý júiesin damytý jastardy destrýktivti dini aǵymdar qataryna tartý áreketterin joqqa shyǵarýǵa kómektesedi. Shynynda da, kóbinese dini saýattylyqtyń jetkiliksizdiginen jastar radikaldy aǵymdardyń jaqtaýshysyna ainalyp jatady. Buǵan tosqaýyl jasai bilýimiz kerek.
Ernat Qydyrmollaev, ShQO din máselelerin zertteý ortalyǵynyń direktory.
