Saýd Arabıasynyń laýazymdy ókili Al Jazeera telearnasyna bergen suhbatynda AQSH Parsy shyǵanaǵy elderin nazardan tys qaldyrǵanyn málimdedi, dep habarlaıdy Dalanews.kz.
Onyń aıtýynsha, AQSH óziniń áýe qorǵanysy júıelerin Izraıldi qorǵaýǵa baǵyttap, aýmaǵynda amerıkalyq áskerı bazalar ornalasqan Parsy shyǵanaǵy memleketterin ırandyq zymyrandar men ushqyshsyz ushatyn apparattardyń aldynda qorǵansyz qaldyrǵan.
Sonymen qatar, Saudi Aramco iri munaı óńdeý zaýytynyń jumysyn toqtatty.
Osy jaǵdaı aıasynda Saýd Arabıasynyń memlekettik munaı kompanıasy Saudi Aramco drondar shabýylynan keıin Ras Tanura munaı óńdeý kesheniniń jumysyn ýaqytsha toqtatty. Bul týraly batystyq BAQ habarlady.
Parsy shyǵanaǵy jaǵalaýynda ornalasqan Ras-Tanýra qalasyndaǵy keshen Taıaý Shyǵystaǵy eń iri munaı óńdeý zaýyttarynyń biri sanalady jáne saýdıalyq munaıdy eksporttaýda mańyzdy termınal bolyp tabylady. Onyń táýliktik qýaty – 550 myń barel.
Bloomberg agenttiginiń dereginshe, kásiporyn aýmaǵynda órt shyqqan, alaıda ol oqshaýlanǵan.
Al Saýd Arabıasy Qorǵanys mınıstrliginiń ókili Al Arabiya telearnasyna Ras Tanura munaı óńdeý zaýyty mańynda eki ushqyshsyz apparattyń joıylǵanyn habarlady.
Munaı baǵasy kúrt ósti
Oqıǵadan keıin munaı naryǵy da qatty qubyldy. Londondaǵy ICE Futures bırjasynda Brent markaly munaıdyń mamyr aıyna arnalǵan fúchersteri Máskeý ýaqytymen 11:22-de 9,8%-ǵa qymbattap, barreline 80 dollarǵa jetti.
Al Nú-Iork taýar bırjasynda (NYMEX) WTI markaly munaıdyń sáýir aıyna arnalǵan fúchersteri 9,2%-ǵa ósip, barreline 73,2 dollar boldy.
Sarapshylardyń pikirinshe, Taıaý Shyǵystaǵy áskerı shıelenis munaı naryǵyndaǵy turaqsyzdyqty odan ári kúsheıtýi múmkin.
