Qyran turǵyn úi kesheninde eki ret satý deregi boiynsha qylmystyq is sotqa joldandy, dep habarlaidy Dalanews.kz.
Kúdiktiler qurylys kompaniiasynyń qyzmetkerleri bolǵan kezinde Qyran turǵyn úi kesheniniń páterlerin eki ret satyp, azamattardy aldaǵany anyqtalǵan.
"Qyzmetkerler International Invest Company IIC JShS atynan azamattarǵa jyljymaityn múlikti satý quqyǵyn rastaityn maketter, tehnikalyq pasporttar men qujattardy kórsetken. Azamattarǵa páterlerdi, turǵyn emes úi-jailardy jáne turaq oryndaryn naryqtaǵy qunynan tómen baǵamen satyp alý usynylǵan. Satyp alý-satý sharttaryn jasasýdyń ornyna kúdiktiler memlekettik tirkeýge jatpaityn brondaý sharttaryn, kepilge berý týraly kelisimdi, aldyn ala shartty resimdegen. Aldanǵan satyp alýshylar kúdiktilerdiń jeke shotyna aqshany aýdarǵan jáne qolma-qol tólem jasaǵan", - dep jazylǵan prokýratýra habarlamasynda.
Kompaniia qyzmetkerleriniń qylmystyq áreketi saldarynan 8 mlrd teńgeden asa shyǵyn kelgen. Sot sanktsiiasymen jalpy somasy 7,4 mlrd teńge bolatyn jyljymaityn jáne jyljymaly múlikke tyiym salyndy.
Úsh kúdiktige qamaýda ustaý túrindegi bultartpaý sharasy, tórtinshisine kepil qoldanyldy. Qylmystyq is sotqa jiberildi.
