Nursultan Nazarbaev atyndaǵy halyqaralyq áýejaıdyń ishki reıster aımaǵynda tirkelý kezinde «Qaırat» fýtbol klýbynyń dárigeri qaýipsizdik qyzmetkerine ústinde jarylǵysh zat bar dep ázildegen, dep habarlaıdy Dalanews.kz.

Osydan keıin áýejaıda qaýipsizdik rejımi kúsheıtilip, oqıǵa ornyna kınologtar men polısıa qyzmetkerleri shaqyryldy. Er adam reıske jiberilmeı, oǵan qatysty ákimshilik hattama rásimdeldi.

Mamandardyń aıtýynsha, áýejaı aýmaǵynda mundaı sózder qaljyń retinde aıtylǵannyń ózinde qaýipsizdik júıesiniń tolyq iske qosylýyna ákeledi.