[caption id="attachment_8465" align="alignright" width="179"]
Jiynnyń shymyldyǵyn túrgen saiasattanýshy Edýard Poletaev óz sózinde, mamandar Eýraziia ekonomikalyq odaǵyn sóz etkende onyń ekonomikalyq aspektilerine ústirt toqtalatynyn, bylaisha aitqanda birlestiktiń qarapaiym halyqqa qandai paida bererin naqtylap jetkizbeitinin tilge tiek etti. Onyń sózinshe, odaq týraly aitqanda eń aldymen adam faktoryna, odaqqa birikken elderdiń qarjylyq jaǵdaiy men turmysyn túzelerin dáleldep kórsetý qajet. Iaǵni, odaqtyń úsh elge igilik ákeledi degen boljamdary bolashaqqa negizdelgennen buryn, búginnen, erteńnen bastap oryndalýyn oilastyrý qajet.
Al ekonomist sarapshy Vladislav Iýritsynnyń sózine qaraǵanda, bul úshin birinshi kezekte úsh eldegi ortasha jalaqyny, jumys oryndaryn kóbeitip, óndiris qýatyn, biznestegi básekelestikti arttyrý qajet. «Al atalǵan maqsattarǵa qol jetkizgimiz kelse, ekonomikalyq taraptaǵy kedergilerdi joiǵan jón. Olar áli de bar» dedi ol óz sózinde.
Óz kezeginde saiasattanýshy Anton Morozov buǵan qatysty pikir bildirgen azamattardyń oiyna kóńil tolmastyq bildirdi. «Menińshe munyń barlyǵy aitylyp ta, jazylyp ta jatyr. Sondyqtan jurtqa jańalyq bola qoimas. Odaqqa birikkeli otyrǵan qazaqstandyqtardy qazir ne alańdatyp otyr? Árine, baǵa. Odaq aiasyndaǵy elderdiń naryǵyndaǵy baǵa ártúrli. Halyq: «erteńgi kúni odaq is júzinde iske qosylǵanda baǵa sharyqtap, Reseidegi deńgeige jete me?» dep qaýiptenedi» dedi Morozov óz sózinde.
Saiasattanýshy Aigúl Omarynyń aitýyna qaraǵanda, osy odaqtyń ekonomikalyq sipatyn naqty ashyp kórsetetin mamandar áli de az. «Iaǵni, osy taqyrypty biletin. Halyqqa odaqtyń paidasyn men ziianynyń arajigin ashyp kórsetetin jáne eń bastysy buǵan saiasatty aralastyrmaityn adamdar qajet. Ókinishke orai, osy odaq jumysymen ainalysý júktelgen bizdiń keibir sheneýnikterimiz jýrnalistermen, jurtpen sóilese bilmeidi» dedi ol.
Alaida «Almagest» konsaltingilik kompaniiasynyń direktory Aidanhan Qusaiynov munymen kelisken joq. Onyń pikirinshe, Eýraziia ekonomikalyq odaǵynyń igiligin kórýge halyqtyń ózi talpynýy kerek. Óz sózinde ol: «Men bul tarapta qaýymnyń ózi ekige bóler edim. Bulardyń alǵashqysy úiinen uzap shyqpaidy. Al ekinshi bir top izdenimpaz. Olar Resei men Belarýsten jumys izdeidi. Olar mundai integratsiia aiasynda odaqtas elderdiń naryǵyna kirýge, óndiris oryndaryna ornalasýǵa bolatynyn túsingen azamattar» dedi.
[caption id="attachment_8466" align="alignleft" width="225"]
Al jiyn sońyn túiindegen «Ekspert Qazaqstan» jýrnalynyń ekonomist sarapshysy Sergei Domnin integratsiia múmkindikke jol asharyn moiyndaǵanymen, odaq naqty iske kiriskennen keiin qazaqstandyq bizneske qatty aýyr soǵaryn aitty. Onyń pikirinshe, reseilik shaǵyn jáne orta, iri biznes ókilderi qazaqstandyq naryqty áli tolyq tanymai jatyr. Alaida reseilik kásipkerler úlken naryqta jumys istep úirengennen keiin, erteńgi kúni kórshi Qazaqstannyń naryǵyn jaýlap alýy, bylaisha aitqanda «demping» tásili arqyly tutynýshylardy ózine qaratyp alýy ǵajap emes. «Sol kezde bizdiń kásipkerler qaitpek? Sondyqtan biznes qazirden belin býyp, aýyr básekelestikke, tutynýshylar úshin kúreske ázir bolǵany jón» dedi Domnin.
