[caption id="attachment_8461" align="alignleft" width="333"]
Jataqhananyń ashylý saltanatyna Almaty qalasy ákiminiń orynbasary Záýresh Amanjolova qatysyp, stýdentter men oqytýshylardy Tuńǵysh Prezident kúnimen quttyqtady.
– Oqý ornynyń túlekteri – tehnologtar elimiz úshin árdaiym qajet mamandar. Sizder úshin búgin jaqsy jaǵdai jasalyp otyr, endi sizder tereń bilim alyp, tabysty eńbek etýlerińiz qajet. Oqý ornynan kásibi turǵydan shyńdalyp, eldiń patrioty bolyńyzdar, – dedi qala ákiminiń orynbasary.
Sharaǵa qatysqan Joǵary oqý oryndary qaýymdastyǵynyń tóraǵasy, qalalyq máslihat depýtaty Rahman Alshanov, qalalyq «Parasat» kásipodaǵynyń tóraǵasy Danat Janataev, Almaty tehnologiialyq ýniversitetiniń rektory Quralbek Qulajanov sóz kezegin alyp, ashylyp otyrǵan jataqhana stýdentterdiń jaily úiine ainalyp, bul shańyraqtan elimizdiń damýyna zor úles qosatyn bilikti mamandardyń túleýin tiledi.
Jańa stýdenttik jataqhana qazirgi zamanǵy indýstrialdy úi turǵyzý tehnologiiasymen salynǵan. 1 jyl 2 ai ishinde salynǵan jataqhana qurylysyna ýniversitet ákimshiligi óz qarajatynan 900 mln. teńge jumsady. Ýniversitettiń birinshi prorektory, professor Baýyrjan Nurahmetovtyń aitýynsha ǵimaratta qazirgi zamanǵy telekommýnikatsiia jelisi, atap aitqanda joǵary jyldamdyqtaǵy Wi-Fi jelisi ótkizilgen, jataqhanada stýdenttik ashana, meditsinalyq kabinet, oqý zaldary, demalys bólmeleri bar.
«Búginde ýniversitet ákimshiligi stýdentterdiń 92 paiyzyn jataqhanamen qamtyp otyr. Alaida oqý ordasy keńeiip keledi, qazirgi zamanǵy zertteý ýniversitetine ainalýyn maqsat tutady. Sondyqtan ýniversitet josparynda 500-600 oryndyq taǵy bir jataqhana salý kózdelip otyr», - dep atap ótti ýniversitettiń tárbie isi jónindegi prorektory Qaltai Batholdin.
Qazirgi tańda Almaty qalasy boiynsha 40 myń stýdent jataqhanaǵa muqtaj ekenin eskersek, jańa jataqhananyń ashylýy Almaty jastary úshin aitýly oqiǵa boldy.
Ashat Ábishe,
Almaty tehnologiialyq ýniversitetiniń
aqparattyq qyzmet jetekshisi.
