Búginde tútini býdaqtaǵan úlken zaýattar kelmeske ketkeni anyq. Qazir innovatsiialyq qyzmettiń arqasynda óndiris oryndary meilinshe yqshamdalyp, meilinshe tehnologiialyq sipat alǵanyn atap aitýymyz kerek.
Qazir Qazaqstan da óziniń ǵylymi-tehnikalyq áleýetine arqa súiep, innovatsiialyq ekonomika qurýǵa kúsh jumysap keledi. Osy turǵydan alǵanda Indýstrialandyrý kartasy elimizdegi ǵylymi-tehnikalyq salany kenje qaldyrmai damytyp otyr.
Osy rette Indýstrialandyrý kartasy aiasynda bul baǵyttaǵy jumystar qalai júzege asyp jatyr degen zańdy suraq týyndaidy. Endigi kezekti osyǵan az-kem jaýap bere ketsek.
Elimizde Indýstrialandyrý kartasy aiasynda jańa kásiporyndar ǵana qurylmaǵany anyq. Sonymen birge el aýmaǵynda memlekettik innovatsiialyq qyzmetti órkendetý úshin salalyq, óńirlik deńgeide tehnoparkter, biznes-inkýbatorlar, aimaqtyq innovatsiialyq qorlar jáne venchýrlik kásiporyndar da paida bolǵanyn bilemiz.
Budan elimizde indýstarialdy ekonomikanyń innovatsiialyq qyry aiqyndalyp, alǵashqy qarlyǵashtary paida bolǵanyn ańǵarýǵa bolady.
Mamandardyń oi-pikirine qulaq asatyn bolsaq, qazir elimizde qurylǵan tehnoparkter ulttyq innovatsiialyq júieniń ózegine ainalýda.
Áńgime basynda qazir óndiris oryndarynyń meilinshe yqshamdalǵanyn aittyq. Keńes zamanynda óndiris oryny dese, býy burqyraǵan qazandyqtar men tútini býdaqtaǵan alyp murjalar kóz aldymyzǵa elesteitini belgili. Keibir adamdar áli kúnge deiin óndiristi osylai elestetetin jasyryn emes.
Qazirgi damyǵan zamanda shaǵyn ǵana tehnoparkterde birqansha ónim óndirýge bolady. Aitalyq, qazir elimizde Indýstrialandyrý kartasy aiasynda boi kótergen tehnoparkter túrli startap jobalar júzege asyp jatyr.
Iá, mundai shaǵyn biznes jobalar tutastai ekonomikaǵa yqpal etip, myńdaǵan adamdy jumyspen qamtymasy anyq. Biraq bizder indýstrialdy parkterdegi shaǵyn biznes jobalardy kóbeite berýimiz kerek.
Dál qazir bizder innovatsiialyq qyzmetke qatysty ózimizdiń kózqarasymyzdy keńeitýimiz kerek. Ol úshin bizder qazirgi zamannyń startap jáne biznes jobalarynyń mańyzyn túsin alǵanymyz jón.
Búgingi zamandaǵy biznes jobalar olar – yqsham, kez kelgen ortaǵa tez beiimdelgish bolyp keledi. Sonymen qatar udaiy qolaily ortany izdeitinin de umytpaýymyz kerek. Zamanaýi biznes jobalar Qaraǵandy metalýrgiia kombinaty siiaqty alpaýyt kásiporyn emes. Olar óz qyzmetine júrgizý úshin shaǵyn jer men infraqurylym bolsa jetkilikti.
Eń bastysy biznes jobalar úshin investitsiialyq tartymdylyq. Oǵan memlekettiń jasap otyrǵan salyqtyq jeńildikteri, logistikalyq ilkimdilikti jáne tutynýshy men kásibi bilikti mamandar shoǵyryn jatqyzýǵa bolady.
Bizdiń Úkimet osy jaittardyń basshylyqqa alyp, elimizdiń ár oblysynda Indýstrialdy tehnoparkter quryp, olarǵa meilinshe jaǵdai jasap keledi. Sonymen qatar olardyń qarjy resýrastaryna qoljetimdiligin arttyrý maqsatynda aimaqtyq innovatsiialyq jáne venchýrlik qorlardyń jumysy jandandyrýǵa kúsh salýda.
Qazir el aýmaǵyndaǵy tehnoparkter ekige bólinedi. Olar ulttyq jáne aimaqtyq tehnoparkter dep eki topqa bólinedi. Aitalyq, ulttyq tehnoparkterdiń basty erekshilegi olardyń ainalysatyn máseleleri salaaralyq baǵytty quraidy. Arnaiy ekonomikalyq aimaqtarda jumys isteitin mundai tehnoparkter úshin salyqtyq jeńildikter qarastyrylǵanyn aita ketýimiz kerek. Elimizdegi tehnoparkterde uzyn sany 40-tan astam biznes-inkýbatorlar jumys isteýde.
Atalǵan biznes-inkýbatorlar elimizdiń barlyq aimaǵynda bar. Olar kreativti oilaityn azamattardyń mańyzdy jobalaryn jinaqtap, elimizdiń innovatsiialyq qyzmetin qalyptastyryp otyr.
Osy jaittardy eskersek, elimizde qolǵa alynǵan Indýstralandyrý kartasy tiisti deńgeide júzege asyp otyrǵanyn baiqaimyz. Aldaǵy ýaqytta bul baǵyttaǵy jumystardy jandandyryp, óndiristik tizbekti qýattandyryp, ekonomikany damytýǵa baǵyttaýdyń mańyzy zor.
Nurlan JUMAHAN
