«Jyl basynan 36 kósheniń joly tolyqtai jóndeýden ótti. 4 jyl buryn ortalyq kóshelerdegi shuńqyrlardy biteý ádisinen bas tartyp, joldardy túbegeili jasap kelemiz. Halyq arasynda «ákim ózi júretin joldardy ǵana jóndeidi» degen qate pikir bar. Qai kósheniń jóndeletinin komissiia sheshedi», - dedi qala basshysy.
Óz sózinde ákim ortalyq kósheler men dańǵyldardyń ne sebepti birinshi kezekte jóndeletinin túsindirdi.
«Sebebi bul joldarda avtobýstar men kólikter kóp júredi. Aldaǵy ýaqytta osy komissiia jumysyn áleýmettik jelide jariialap otyramyz. Kelesi jyly komissiia sheshimi shyqqan soń «Keptelissiz qala» jobasy aiasynda joldardy jóndep, infraqurylymdyq jobalardy iske asyrýdy jalǵastyramyz», - dedi Jaqsylyq Omar.
Onyń aitýynsha, taǵy bir ózekti másele – kóktemdegi jol shuńqyrlary. Bul qalanyń qatań klimatynyń áserinen bolatyn túitkil.
«Sondyqtan kelesi jyldyń kókteminde «100 kúnniń ishinde 10 myń shuńqyr» chellendjin qolǵa alamyz. Shahar tirshiligine bei-jai qaramaityn azamattardan kóshelerindegi shuńqyrlardy fotoǵa túsirip, mekenjaiyn Telegram jelisindegi kanalǵa jiberýdi suraimyz. Bizdiń kommýnaldyq qyzmetter olqylyqty birden túzetetin bolady», - dedi qala basshysy.
Aita keteiik, búginde Óskemendegi 124 myń otbasynda 226 myń kólik bar.
