«جىل باسىنان 36 كٶشەنٸڭ جولى تولىقتاي جٶندەۋدەن ٶتتٸ. 4 جىل بۇرىن ورتالىق كٶشەلەردەگٸ شۇڭقىرلاردى بٸتەۋ ەدٸسٸنەن باس تارتىپ, جولداردى تٷبەگەيلٸ جاساپ كەلەمٸز. حالىق اراسىندا «ەكٸم ٶزٸ جٷرەتٸن جولداردى عانا جٶندەيدٸ» دەگەن قاتە پٸكٸر بار. قاي كٶشەنٸڭ جٶندەلەتٸنٸن كوميسسييا شەشەدٸ», - دەدٸ قالا باسشىسى.
ٶز سٶزٸندە ەكٸم ورتالىق كٶشەلەر مەن داڭعىلداردىڭ نە سەبەپتٸ بٸرٸنشٸ كەزەكتە جٶندەلەتٸنٸن تٷسٸندٸردٸ.
«سەبەبٸ بۇل جولداردا اۆتوبۋستار مەن كٶلٸكتەر كٶپ جٷرەدٸ. الداعى ۋاقىتتا وسى كوميسسييا جۇمىسىن ەلەۋمەتتٸك جەلٸدە جارييالاپ وتىرامىز. كەلەسٸ جىلى كوميسسييا شەشٸمٸ شىققان سوڭ «كەپتەلٸسسٸز قالا» جوباسى اياسىندا جولداردى جٶندەپ, ينفراقۇرىلىمدىق جوبالاردى ٸسكە اسىرۋدى جالعاستىرامىز», - دەدٸ جاقسىلىق ومار.
ونىڭ ايتۋىنشا, تاعى بٸر ٶزەكتٸ مەسەلە – كٶكتەمدەگٸ جول شۇڭقىرلارى. بۇل قالانىڭ قاتاڭ كليماتىنىڭ ەسەرٸنەن بولاتىن تٷيتكٸل.
«سوندىقتان كەلەسٸ جىلدىڭ كٶكتەمٸندە «100 كٷننٸڭ ٸشٸندە 10 مىڭ شۇڭقىر» چەللەندجٸن قولعا الامىز. شاھار تٸرشٸلٸگٸنە بەي-جاي قارامايتىن ازاماتتاردان كٶشەلەرٸندەگٸ شۇڭقىرلاردى فوتوعا تٷسٸرٸپ, مەكەنجايىن Telegram جەلٸسٸندەگٸ كانالعا جٸبەرۋدٸ سۇرايمىز. بٸزدٸڭ كوممۋنالدىق قىزمەتتەر ولقىلىقتى بٸردەن تٷزەتەتٸن بولادى», - دەدٸ قالا باسشىسى.
ايتا كەتەيٸك, بٷگٸندە ٶسكەمەندەگٸ 124 مىڭ وتباسىندا 226 مىڭ كٶلٸك بار.
