الماتى وبلىسىندا 24 جاستاعى جاناسىل سەرسەنبايدىڭ ٶلٸمٸنە قاتىستى ٷش جٸگٸت سوت الدىندا جاۋاپ بەرٸپ جاتىر. مارقۇمنىڭ تۋىستارىنىڭ ايتۋىنشا, قايعىلى جاعداي جولداعى بولماشى جانجالدان كەيٸن بولعان, دەپ حابارلايدى dalanews.kz.
وقيعا وسىدان بەس اي بۇرىن تالعار اۋدانىنداعى اۋىلداردىڭ بٸرٸندە بولعان. تەرگەۋ نۇسقاسىنا سەيكەس, كٷدٸكتٸلەر جاناسىل مەن ونىڭ ٸنٸسٸن ٷيٸنە دەيٸن كٶلٸكپەن قۋىپ بارعان. كەيٸن ولاردىڭ بٸرٸ جاناسىلعا پىشاق جاراقاتىن سالعان.
جەبٸرلەنۋشٸ اۋرۋحاناعا جەتكٸزٸلگەنٸمەن, دەرٸگەرلەر ونىڭ ٶمٸرٸن ساقتاپ قالا المادى.
قازٸر ٸس قاسكەلەڭ قالاسىندا اشىق سوت وتىرىسىندا قارالىپ جاتىر. ايىپتالۋشىلار ورىندىعىندا 19 جەنە 20 جاستاعى ٷش جٸگٸت وتىر. ولاردىڭ بٸرٸنە ادام ٶلتٸردٸ دەگەن ايىپ تاعىلسا, قالعان ەكەۋٸ قىلمىستى جاسىرۋ فاكتٸسٸ بويىنشا جاۋاپقا تارتىلعان.
سوتتا ايىپتالۋشىلاردىڭ بٸرٸ وقيعانىڭ قالاي بولعانىن ايتىپ بەرگەن.
«جٷرگٸزۋشٸ بٸزگە سيگنال بەرە باستادى. ەلحان وعان اينالىپ ٶت دەگەن بەلگٸ كٶرسەتتٸ. جاناسىل ەلحانعا بٸردەڭە ايتتى, بوقتاعان سيياقتى, سودان كەيٸن بٸزدٸ جوعارى جىلدامدىقپەن اينالىپ ٶتتٸ. بٸز ولاردىڭ سوڭىنان باردىق. ٷيدٸڭ الدىنا جەتكەندە كٶلٸكتەن تەك ەلحان شىقتى. ول جاناسىلدى پىشاقپەن ۇردى. سوسىن ماعان: “گازدى باس” دەدٸ. پىشاقتى كٶرگەندە ەسەڭگٸرەپ قالدىم», – دەدٸ ايىپتالۋشىلاردىڭ بٸرٸ.
مارقۇمنىڭ تۋىستارى وقيعانىڭ باسقاشا ٶربٸگەنٸن ايتادى. ولاردىڭ سٶزٸنشە, جاناسىل ٸنٸسٸمەن بٸرگە ەكەسٸنٸڭ زيراتىنا بارىپ كەلە جاتقان. قايتار جولدا اۋىلداستارى مٸنگەن كٶلٸك جولدى جاۋىپ تۇرعان.
جاناسىل كٶلٸك يەلەرٸنە جولدى بوساتۋدى سۇراپ, سيگنال بەرگەن. الايدا ولار كٶلٸكتٸ قوزعاماعان. وسىدان كەيٸن ول جول جيەگٸمەن جوعارى جىلدامدىقپەن اينالىپ ٶتكەن. تۋىستارى كٷدٸكتٸلەردٸڭ وسى جاعدايعا اشۋلانىپ, اعايىندى جٸگٸتتەردٸڭ ارتىنان ٷيٸنە دەيٸن بارعانىن ايتادى.
مارقۇمنىڭ ٸنٸسٸ ەركەبۇلان سەرسەنباي دا سوتتا وقيعا سەتٸن باياندادى.
«ٷش ادامنىڭ كٶلٸكتەن تٷسكەنٸن كٶردٸك. مەن جولاۋشىلار جاعىندا تۇردىم. ەشقانداي ەڭگٸمە بولعان جوق. كەنەتتەن ەلحان اعاما ەكٸ رەت پىشاق سۇقتى: الدىمەن وڭ قولىمەن, كەيٸن سول قولىمەن. جاناسىل اۋرۋحانادا كٶز جۇمدى», – دەدٸ ول.
اناسى ەڭ قاتاڭ جازا سۇرادى
سوت وتىرىسىندا مارقۇمنىڭ اناسى الماگٷل نۇرعىزات ۇلىنىڭ ٶلٸمٸنە كٸنەلٸلەردٸ كەشٸرمەيتٸنٸن ايتىپ, ولارعا قاتاڭ جازا تاعايىنداۋدى سۇرادى.
«ۇلىم جٷگٸرٸپ كەلٸپ: “اناشىم, اعامدى پىشاقتاپ كەتتٸ” دەدٸ. دالاعا جٷگٸرٸپ شىقتىم. جاناسىل تٸزەرلەپ وتىر ەكەن. ونى قۇشاقتادىم. جەدەل جەردەم شاقىردىق. كەيٸن ٶزٸمٸز اۋرۋحاناعا اپارۋدى شەشتٸك. ارتىنشا دەرٸگەرلەر: “ۇلىڭىز قايتىس بولدى” دەدٸ. مەن كەشٸرمەيمٸن. مۇندايدى كەشٸرۋ مٷمكٸن ەمەس. ٷشەۋٸ دە ٸستەگەن ٸسٸ ٷشٸن جازاسىن السىن. ٶمٸرٸنٸڭ سوڭىنا دەيٸن تٷرمەدە وتىرسىن», – دەدٸ مارقۇمنىڭ اناسى.
جەبٸرلەنۋشٸ تاراپ سوتتالۋشىلاردان 100 ميلليون تەڭگە كٶلەمٸندە ٶتەماقى تالاپ ەتكەن.
ٸس «ادام ٶلتٸرۋ» جەنە «قىلمىستى جاسىرۋ» باپتارى بويىنشا قارالىپ جاتىر. ايىپ تاعىلعان تۇلعالارعا التى جىلدان 15 جىلعا دەيٸن باس بوستاندىعىنان ايىرۋ جازاسى قاۋپٸ بار.
