Eýroodaqtyń «Zolotaia korona» tólem júiesine qarsy sanktsiialarynan keiin Resei men Qazaqstan arasyndaǵy aqsha aýdarymdarynyń kólemi aitarlyqtai tómendedi, dep habarlaidy dalanews.kz.
RBK dereginshe, shilde aiynyń sońynda engizilgen shekteýlerden keiin tamyzda Reseiden Qazaqstanǵa jeke tulǵalar jibergen aqsha kólemi shamamen 12 ese qysqaryp, 239 mln teńge bolǵan. Qazaqstannan Reseige baǵyttalǵan aýdarymdar odan da qatty tómendegen. Bir ai ishinde aqsha jiberý kólemi 14 eseden astam azaiyp, 1,2 mlrd teńgege deiin qysqarǵan.
Basylym bul málimetterdi Qazaqstan men Grýziianyń qarjy retteýshileriniń derekterine súiene otyryp jariialaǵan. Eýroodaq sanktsiialary halyqaralyq aqsha aýdarymdaryn júzege asyratyn Reseidiń sońǵy iri servisteriniń biri sanalatyn «Zolotaia korona» júiesine áser etti.
Sanktsiialar kúshine engennen keiin kompaniia Qazaqstanǵa, sondai-aq Ázerbaijan, Belarýs, Grýziia jáne basqa da birqatar elderge aqsha aýdarý qyzmetin toqtatty.
