Shymkentte jasóspirimge qatysty zańsyz áreketter jasady degen kúdikti ustaldy, dep habarlaidy dalanews.kz.
Aldyn ala málimet boiynsha er adam internet messendjerler arqyly 10 jastan 12 jasqa deiingi balalarmen tanysyp, ózin 14 jastaǵy jasóspirim retinde tanystyrǵan. Olardyń senimine kirip, internette sóilesýdi jalǵastyrǵan.
Anyqtalǵan jaǵdailardyń birinde er adam qyzben onlain oiyn arqyly tanysyp, onyń telefon nómirin surap alyp, WhatsApp-ta hat almasqan.
"Túrli syltaýmen sóilesý barysynda ol jasóspirimnen intim sipattaǵy sýretter men beinejazbalardy jiberýdi suraǵan. Jedel izdestirý sharalary nátijesinde qala turǵyny ustaldy. Ol óz kinásin moiyndady. Kúdikti ýaqytsha ustaý izoliatoryna qamaldy", - dep jazylǵan habarlamada.
