شىمكەنتتە جاسٶسپٸرٸمگە قاتىستى زاڭسىز ەرەكەتتەر جاسادى دەگەن كٷدٸكتٸ ۇستالدى, دەپ حابارلايدى dalanews.kz.
الدىن الا مەلٸمەت بويىنشا ەر ادام ينتەرنەت مەسسەندجەرلەر ارقىلى 10 جاستان 12 جاسقا دەيٸنگٸ بالالارمەن تانىسىپ, ٶزٸن 14 جاستاعى جاسٶسپٸرٸم رەتٸندە تانىستىرعان. ولاردىڭ سەنٸمٸنە كٸرٸپ, ينتەرنەتتە سٶيلەسۋدٸ جالعاستىرعان.
انىقتالعان جاعدايلاردىڭ بٸرٸندە ەر ادام قىزبەن ونلاين ويىن ارقىلى تانىسىپ, ونىڭ تەلەفون نٶمٸرٸن سۇراپ الىپ, WhatsApp-تا حات الماسقان.
"تٷرلٸ سىلتاۋمەن سٶيلەسۋ بارىسىندا ول جاسٶسپٸرٸمنەن ينتيم سيپاتتاعى سۋرەتتەر مەن بەينەجازبالاردى جٸبەرۋدٸ سۇراعان. جەدەل ٸزدەستٸرۋ شارالارى نەتيجەسٸندە قالا تۇرعىنى ۇستالدى. ول ٶز كٸنەسٸن مويىندادى. كٷدٸكتٸ ۋاقىتشا ۇستاۋ يزولياتورىنا قامالدى", - دەپ جازىلعان حابارلامادا.
