Boksshy Tórehan Sabyrhan Aichi men Nagoiada (Japoniia) ótip jatqan 2026 jylǵy Aziia oiyndarynyń altyn medalin jeńip aldy, dep habarlaidy dalanews.kz UOK-qa siltep.
70 kelige deiingi salmaq dárejesinde finalda otandasymyz Iordaniia ókili Zeiad Ishaishpen qolǵap túiistirdi.
Jekpe-jektiń alǵashqy raýndynda tóreshilerdiń barlyǵy jeńisti Tórehanǵa berdi. Ekinshi raýndta da qazaqstandyq boksshy qarsylasynan basym tústi. Buǵan qosa, iordaniialyq sportshydan bir upai shegerildi. Nátijesinde Tórehan Sabyrhan basymdyǵyn saqtap, tóreshiler sheshimimen jeńiske jetti.
Bul - Qazaqstan quramasynyń boks dodasyndaǵy alǵashqy altyn medali, sonymen qatar, Qazaqstannyń bokstan Aziia oiyndarynda keiingi 12 jylda jeńip alǵan alǵashqy altyn medali.
Tórehan Sabyrhan bokstan Aziia oiyndaryndaǵy 12 jyldyq úzilisti toqtatyp, Qazaqstan quramasyna kópten kútken altyn júldeni syilady.
