Jas aqyndardyń óleń jazyp, shyǵarmashylyq turǵydan shyńdalýyna, óz múmkindikterin, qabiletterin kórsetý maqsatynda uiymdastyrylǵan músháiraǵa 18 úmitker qatysyp, jyrdan shashý shashty.
Oralhan Bókei atyndaǵy ortalyq qalalyq kitaphanada ótken sharanyń shymyldyǵyn Ulan aýdanynyń ishki saiasat bóliminiń basshysy Nurhat Toqtarhanuly túrip, aqyndarǵa sáttilik tilei kele, óz oiyn bylai jetkizdi.
"Táýelsizdik kúni-bul biz úshin basty mereke. Búgin aitýly kúnge orai jáne jerlesimiz Serik Ǵabdollauly aǵamyzdyń 85 jyldyq mereitoiyna arnalǵan oblystyq músháirany ótkizip, jas aqyndarǵa qurmet ári qoldaý kórsetkimiz keldi.
Bereke-birlikti, Babalar armandaǵan Táýelsizdikti óleńderine arqaý etken aqyndar jaýhar jyrlaryn tyńdap, pai-pai shirkin, degiń keledi", – dedi Nurhat Sadyqov myrza.
Atalǵan músháiraǵa ShQO-nyń Qurmetti azamaty, belgili aqyn jazýshy, jýrnalist Álibek Qaliuly Qańtarbaev, jáne aqyn, Qazaqstan jazýshylar odaǵynyń múshesi, Óskemen qalasynyń mádeniet jáne tilderdi damytý bóliminiń basshysy Qalqaman Sarin syndy tulǵalar qazylyq etti.
Aqyndardyń sóz saptaýy men oramdy oilary qazylaryn alqasyn tánti etti. Bas júlde Qyzyrbek Dúrginbaiulyna buiyrdy.
Al 2 oryn Orazai Jeńisuly, 3 orynǵa - Baǵjan Elsinbekqyzy, Dana Isaǵulqyzy ie boldy. Músháiraǵa belsene qatysyp, júldeli oryndar alǵan jas aqyndar baǵaly syilyqtarmen marapattaldy.
