Ol naǵashylarynyń qolynda tárbielendi. Olarda, Amerikada mundai túsinik qalyptaspaǵandyqtan ol anasynyń áke-sheshesiniń úiinde ósti, erjetti dep aitqanymyz durys. Biraq, bala kezinen onyń bir nársege kózi jetken: anasy aq násildi bolsa da, ózi ósken ortada, dostarynyń arasynda ony qarapaiym qara násildi bala sanaityn. Iaǵni, ádepki afrikalyq bozbaladan onyń esh aiyrmashylyǵy joq-tyn.
Qara bala...Kele kele ol ózin dál osy qara násildiń urpaǵy retinde tanityn boldy.
«Meniń tańdaǵan jolym – halyqqa qyzmet etý, bul ómirde ainalysqym keletin jalǵyz is – osy» dep oilaidy, oi túidi ol.
Keiin Obama Garvardtaǵy ataqty Quqyq mektebine túsedi. Bul onyń missiiasyndaǵy alǵashqy baspaldaǵy bolatyn. Bul jerde de ol belsendi boldy.
28 jasynda qara násildilerdiń arasynda alǵash ret «Harvard Law Review» jýrnalynyń Prezidenti atandy. Ol da ońai emes, bile bilseńiz. Sebebi, qazirgi kúni (árine, buryn da solai bolǵan) bul basylym álemdegi asa yqpaldy jáne eń tanymal zań jýrnaly.
Olardyń (respýblikashylardyń) oiynsha AQSh áskeri Irak territoriiasyn tym erte tastap ketti, ásker sál aialdaǵanda ILIM-di besiginde tunshyqtyratyn edi.
Iá, olar osyndai pikirde. Jáne óz oilaryn ózgertkisi joq. Amerika – demokratiianyń Otany bolǵandyqtan, bul jaqta jan-jaqty kózqarasqa oryn bar.
Taǵy sol respýblikashylardyń aitýynsha, Obamanyń ishki saiasattaǵy eń úlken qateligi – densaýlyq saqtaý salasyn reformalaý áreketi boldy. Osynyń nátijesinde muqtajdarǵa tegin qyzmet kórsetetin tizim sany ósti. Biletin bolarsyzdar, Amerika ekonomikasy álemdegi eń erkin ekonomika bolǵandyqtan, mundaǵy densaýlyq saqtaý salasy da tolyqtai jekeshelengen. Al memlekettik degen aty bar gospitalderdiń sany búkil el kóleminde sanaýly ǵana. Sol sebepti de turmys jaǵdaiy tómen azamattardyń dárigerge qaranýǵa qaltasy kótere bermeidi. Olar dárigerdiń aldyna barmaidy. Obamanyń reformasy dál osyndai qaýymǵa baǵyttalǵan bolatyn.
