Almatydaǵy taý bókterinde qurylys júrgizýge tolyq tyiym salynady, dep habarlaidy Dalanews.kz 24kz-ke siltep.
Málimetke súiensek, jańa Qurylys kodeksine osyndai túzetý engizilgen. Qujattyń normalary keler jyldan bastap kúshine enedi. Bul jaiynda Májilis depýtaty Baqytjan Bazarbek "Túiin" aqparattyq-saraptamalyq baǵdarlamasyna bergen suhbatynda aitty.
"Buǵan deiin 2020 jyly Prezident taý bókterinde qurylys júrgizýge tyiym salý týraly tapsyrma bergen. Qurylys kodeksi aiasynda endi taý bókterinde, sel qaýpi, lai kóshkini qaýpi týyndaityn aimaqtarda qurylys júrgizýge, jer berýge de tolyǵymen tyiym salynady. Iaǵni Jer kodeksine de tiisti ózgeristerdi engizdik", - dedi depýtat.
Jańa Qurylys kodeksin Parlament Májilisi maquldap, Senatqa joldaǵan. Ázirleý barysynda jumys tobynyń 75 otyrysy ótip, depýtattar 2 myńnan asa túzetý engizgen. Kodekstiń bastapqy nusqasy 85%-ǵa jańarǵan.
