الماتىداعى تاۋ بوكتەرىندە قۇرىلىس جۇرگىزۋگە تولىق تىيىم سالىنادى، دەپ حابارلايدى Dalanews.kz 24kz-كە سىلتەپ.
مالىمەتكە سۇيەنسەك، جاڭا قۇرىلىس كودەكسىنە وسىنداي تۇزەتۋ ەنگىزىلگەن. قۇجاتتىڭ نورمالارى كەلەر جىلدان باستاپ كۇشىنە ەنەدى. بۇل جايىندا ءماجىلىس دەپۋتاتى باقىتجان بازاربەك "ءتۇيىن" اقپاراتتىق-ساراپتامالىق باعدارلاماسىنا بەرگەن سۇحباتىندا ايتتى.
"بۇعان دەيىن 2020 جىلى پرەزيدەنت تاۋ بوكتەرىندە قۇرىلىس جۇرگىزۋگە تىيىم سالۋ تۋرالى تاپسىرما بەرگەن. قۇرىلىس كودەكسى اياسىندا ەندى تاۋ بوكتەرىندە، سەل ءقاۋپى، لاي كوشكىنى ءقاۋپى تۋىندايتىن ايماقتاردا قۇرىلىس جۇرگىزۋگە، جەر بەرۋگە دە تولىعىمەن تىيىم سالىنادى. ياعني جەر كودەكسىنە دە ءتيىستى وزگەرىستەردى ەنگىزدىك"، - دەدى دەپۋتات.
جاڭا قۇرىلىس كودەكسىن پارلامەنت ءماجىلىسى ماقۇلداپ، سەناتقا جولداعان. ازىرلەۋ بارىسىندا جۇمىس توبىنىڭ 75 وتىرىسى ءوتىپ، دەپۋتاتتار 2 مىڭنان اسا تۇزەتۋ ەنگىزگەن. كودەكستىڭ باستاپقى نۇسقاسى 85%-عا جاڭارعان.
