Halyqaralyq ınjenerlik-tehnologıalyq ýnıversıtetiniń rektory, qaýymdastyrylǵan profesor G.Á. Sársenbekova ǵylym men bilim ıntegrasıasynyń, tehnologıalar transfertiniń mańyzdylyǵyna toqtaldy. Osy oraıda búginde elimizde Qazaqstan Respýblıkasynyń Ǵylym jáne joǵary bilim mınıstrliginiń tikeleı bastamasymen «Ǵylym jáne tehnologıalyq saıasat týraly» zań jobasy daıyndalyp jatqanyn atap, bul jobanyń bilim, ǵylym, ınovasıa birlesken úshtiginiń alǵa damýyna úlken serpin beretinin, sonyń ishinde ýnıversıtettik ǵylymnyń damýyna dańǵyl jol ashatyndyǵyna erkeshe toqtalyp ótti. Sonymen qatar HITÝ rektory Gúlnár Sársenbekova osy atalǵan jobanyń júzege asýyna ýnıversıtet ǵalymdary atsalysyp jatqanyn jetkizdi.
Ýnıversıtet basshysy óz sózinde búgingi dóńgelek ústel ınovasıalyq birlesken ázirlemelerdiń údetkishine aınalatynyn, jańa tehnologıalardy engizýdi keńeıtýde sheshimderdi tabýǵa, ǵylym, bilim jáne óndiris sektoryn biriktirý arqyly ınovasıalyq belsendilikti yntalandyrý jolymen ǵylymı nátıjelerdi komersıalandyrýǵa kómektesetinin jetkizdi.
Dóńgelek ústel jumysy aıasynda Qazaqstan Respýblıkasynyń jetekshi ǵalymdary, bıznes-qurylym ókilderi – «Mıkrobıologıa jáne vırýsologıa ǵylymı-óndiristik ortalyǵy» JSHS Bas dırektory, b.ǵ.d., profesor A.Q. Sadanov, «Jazken Jıembaev atyndaǵy Qazaq ósimdik qorǵaý jáne karantın ǵylymı-zertteý ınstıtýty» JSHS Basqarma Tóraǵasy B.Á. Dúısembekov, «Ulttyq zıatkerlik menshik ınstıtýty» RMK Almaty qalasy fılıalynyń dırektory Z.O. Orynbekova, «Global System Products» JSHS, «JOLTAB» kompanıalarynyń dırektory S.Aman jáne t.b. baıandamalar jasady. «Jazken Jıembaev atyndaǵy Qazaq ósimdik qorǵaý jáne karantın ǵylymı-zertteý ınstıtýty» JSHS Basqarma tóraǵasy B.Á. Dúısembekov óz baıandamasynda ınstıtýt ǵalymdary aýyl sharýashylyǵyna sıfrlyq tehnologıalardy engizý boıynsha jumystardy bastap ketkenin atady.
M.M. Adyshev atyndaǵy Osh tehnologıalyq ýnıversıtetiniń ǵylym jáne ınovasıa boıynsha prorektory, aýyl sharýashylyǵy ǵylymdarynyń doktory, profesor N.T. Tanakov, Federaldy memlekettik búdjettik joǵary bilim berý mekemesi «Reseı bıotehnologıalyq ýnıversıteti» (ResBıoTeh) Reseı Ǵylym Akademıasynyń akademıgi I.A. Rogov atyndaǵy Qoldanbaly bıotehnologıa ınstıtýtynyń dırektory T.N. Danılchýk, Ystambul tehnıkalyq ýnıversıteti Aqparattyq tehnologıalar ınstıtýtynyń dırektory H. Mustafa stýdentterdiń ǵylymı-zertteý jumystaryn nasıhattaý, qoldanbaly bıotehnologıa salasynda bilim berý úderisin jáne stýdentterdiń ǵylymı jumystaryn damytý sonymen birge, Multicopter Platforms monıtorıń júıesin Qazaqstan naryǵynda iske qosý boıynsha óz usynystaryn jetkizdi.
Qazaqstannyń turaqty damýyn yntalandyratyn joǵary tehnologıalyq tehnologıalardyń qarqyndy ósýin qamtamasyz etý maqsatynda Halyqaralyq ınjenerlik-tehnologıalyq ýnıversıteti men ǵylymı-zertteý ınstıtýttaryn shoǵyrlandyrý máseleleri talqylandy. Dóńgelek ústelge qatysýshylar venchýrlyq qarjylandyrý sektoryn damytýdyń, zıatkerlik menshikti qorǵaýdyń, ǵylymı zertteýler men ınovasıalardy qoldaýdyń mańyzdylǵyna, sondaı-aq ǵylymı ázirlemelerdi komersıalandyrýdyń qazaqstandyq úlgisindegi bıznestiń róline toqtaldy.
