Rektor Bolat Tilep orta bilim berý mekemeleriniń ókilderin kele jatqan kásibi mereke – Ustazdar kúnimen quttyqtady. Sondai-aq elimizdiń joǵary bilikti mektep pedagogtaryna degen suranys jyldan-jylǵa artyp kele jatqanyn, oqýshylardyń pedagogikalyq mamandyqty tańdaýǵa deiingi kásibi daiyndyǵy máselesin ózekti ekenin atap ótti.
Kezdesý barysynda «Pedagogikalyq synyptar» jobasyn odan ári iske asyrýǵa bailanysty ózekti máseleler, sondai-aq bolashaq pedagogtardyń kásibi daiarlyǵyn jetildirý joldary talqylandy.
Abai ýniversitetiniń bul bastamasy elimizdiń bilim salasyn damytýǵa jáne bolashaq urpaqqa sapaly bilim berýdi qamtamasyz etýge óz úlesin qosyp keledi.
Kezdesý nátijesinde Abai atyndaǵy QazUPÝ men Almatynyń 13 mektebi arasynda «Pedagogikalyq synyptar» jobasyn iske asyrý boiynsha yntymaqtastyq týraly Memorandýmǵa qol qoiyldy, onyń ishinde Medeý aýdanynyń №98, №64, №19 mektepteri; Almaly aýdanynyń №167, №128, №67, №58 mektepteri; Áýezov aýdanynyń №141, №122, №104 mektepteri; Bostandyq aýdanynyń №93 mektebi men Jetisý aýdanynyń №109, №2 mektepteri bar.
