Almatynyń Ortalyq stadionynda ótken Qazaqstan chempionatynyń sońǵy týrynda «Qairat» fýtbol klýby ózderiniń basty qarsylasy «Astana» komandasyn qabyldap, teń oinady. Osy esep almatylyq komandanyń el chempiony atanýyna jetkilikti boldy, dep habarlaidy Dalanews.kz
Qonaqtar sapynan Tomasov birinshi taimda esep ashsa, úzilisten keiin sátti shabýyl uiymdastyrǵan Sátbaev tarazy basyn teńestirdi. Nátije — 1:1.
Bul nátijemen «Qairat» qatarynan ekinshi ret chempion atanyp, klýb tarihyndaǵy besinshi altyn júldesin jeńip aldy. Sonymen qatar, komanda Qazaqstan Premer-ligasy tarihyndaǵy rekordtyq 16-shy medal jiyntyǵyn ielendi.
Kórermender arasynda qazaqstandyq fýtboldyń ardagerleri men Almaty ákimi Darhan Satybaldy da boldy. Úzilis kezinde qala basshysy 2025 jylǵy maýsym qorytyndysy boiynsha «Qairat» akademiiasynyń tárbielenýshilerin marapattady. Klýb tarihynda alǵash ret Akademiianyń barlyq jas komandasy óz ligalarynda chempion atandy.
