الماتىنىڭ ورتالىق ستاديونىندا وتكەن قازاقستان چەمپيوناتىنىڭ سوڭعى تۋرىندا «قايرات» فۋتبول كلۋبى وزدەرىنىڭ باستى قارسىلاسى «استانا» كومانداسىن قابىلداپ، تەڭ وينادى. وسى ەسەپ الماتىلىق كوماندانىڭ ەل چەمپيونى اتانۋىنا جەتكىلىكتى بولدى، دەپ حابارلايدى Dalanews.kz
قوناقتار ساپىنان توماسوۆ ءبىرىنشى تايمدا ەسەپ اشسا، ۇزىلىستەن كەيىن ءساتتى شابۋىل ۇيىمداستىرعان ساتبايەۆ تارازى باسىن تەڭەستىردى. ناتيجە — 1:1.
بۇل ناتيجەمەن «قايرات» قاتارىنان ەكىنشى رەت چەمپيون اتانىپ، كلۋب تاريحىنداعى بەسىنشى التىن جۇلدەسىن جەڭىپ الدى. سونىمەن قاتار، كوماندا قازاقستان پرەمەر-ليگاسى تاريحىنداعى رەكوردتىق 16-شى مەدال جيىنتىعىن يەلەندى.
بۇدان بولەك، «قايرات» كەلەسى ماۋسىمدا ۋەفا چەمپيوندار ليگاسىنا ەل نامىسىن قورعاۋعا مۇمكىندىك الدى.
كورەرمەندەر اراسىندا قازاقستاندىق فۋتبولدىڭ ارداگەرلەرى مەن الماتى اكىمى دارحان ساتىبالدى دا بولدى. ءۇزىلىس كەزىندە قالا باسشىسى 2025 جىلعى ماۋسىم قورىتىندىسى بويىنشا «قايرات» اكادەمياسىنىڭ تاربيەلەنۋشىلەرىن ماراپاتتادى. كلۋب تاريحىندا العاش رەت اكادەميانىڭ بارلىق جاس كومانداسى ءوز ليگالارىندا چەمپيون اتاندى.
