Almaty qalasynyń Qurylys basqarmasy áleýmettik jeliler men BAQ-ta taraǵan K.Sátbaev atyndaǵy №56 mektep-gimnaziia ǵimaratyn súrý týraly aqparattyń shyndyqqa janaspaidy, dep habarlaidy Dalanews.kz
«Mektepte seismikalyq kúsheitý jáne kúrdeli jóndeý jumystary júrgizilip jatyr. Qoldanystaǵy ǵimarattardy súrý qarastyrylmaǵan. Sonymen qatar ǵimarattyń tarihi qasbeti saqtalady», – dedi basqarma ókilderi.
Joba aiasynda qazirgi zamanǵy bilim berý standarttaryna sai oqý keńistikterin qurý kózdelgen.
Negizgi jáne beiindik pánder boiynsha sabaq ótkizýge arnalǵan synyptar, zerthanalar men kabinetter jańartylady. Himiia, fizika jáne biologiia kabinetteri zamanaýi zerthanalyq qural-jabdyqtarmen qamtamasyz etilip, oqýshylarǵa tájiribelik daǵdylardy meńgerýge jáne zertteý jumystaryn júrgizýge múmkindik beredi.
Joba quramynda kópfýnktsionaldy sport keshenin salý da bar. Mektep aýmaǵynda ashyq sport alańdary paida bolady.
Sonymen qatar keń demalys aimaqtary, zamanaýi ashana, kitaphana, oqý zaldary jáne mýltimediialyq quraldarmen jabdyqtalǵan úiirme bólmeleri qarastyrylǵan.
«Qurylys-montaj jumystary 2026 jyly sáýirde aiaqtalady dep josparlanǵan. Bas merdiger – «Astana-Stroiinvest»korporatsiiasy JShS», – dep málimdedi basqarma mamandary.
