«Halyq» qorynyń basqarýshy direktory Nariman Ábilshaiyqovtyń aitýynsha, bul shara 2020 jyldan beri júieli túrde ótkizilip keledi.
– Biz óz baǵdarlamalarymyzdyń sheńberinde qiyn jaǵdaiǵa tap bolǵan, áleýmettik az qamtylǵan kópbalaly otbasylarǵa jii azyq-túlik sebetterimen qoldaý kórsetemiz. Bul bir rettik shara emes. Pandemiia kezinen bastalyp, júieli túrde uiymdastyrylyp keledi.
Qor 2020-2021 jyldyń ózinde 2,5 milliard teńgeden astam qarjyǵa 100 myńnan astam azyq-túlik jiyntyǵyn taratty. Biyl bul aktsiianyń aiasyn keńeitýdi kózdep otyrmyz.
Jańa oqý jyly qarsańynda áleýmettik az qamtylǵan otbasylarda ósip jatqan 500 balany mektepte daiyndaýdy josparladyq. Oqýshylar mektep formasy jáne oqýǵa qajet quraldarmen qamtylady, – dedi Nariman Ábilshaiyqov.
Qordyń qoldaýyna ie bolǵandardyń biri – Qarasai aýdany Birlik aýylynyń turǵyny Dilfýza Tálipbaeva. Aýyl shetinde úi jaldap turatyn Dilfýzanyń 5 balasy bar. Otbasynyń turaqty tabysy joq.
Turmystyń taýqymetinen qajyǵan kelinshek kómek qolyn sozǵan qaiyrymdylyq qoryna airyqsha rizashylyǵyn bildirdi.
– Bul azyq-túlik 3-4 aiǵa jetedi. Makaron, qant, un, shai – bizdiń kúndelikti qajettiligimiz. Bizdiń qazirgi jaǵdaiymyzda azyq-túlik alý úlken kómek. Osyndai qoldaý kórsetken «Halyq» qaiyrymdylyq qoryna alǵysymyz sheksiz! – dedi kóp balaly ana.
– «Halyq» qaiyrymdylyq qory turmysy tómen otbasylaryna azyq-túlik jiyntyǵyn kezeń-kezeńimen usynyp keledi. Bul – qaiyrymdylyq sharasynyń mańyzy zor. Áleýmettik mańyzy azyq-túlikti jinaqtap, usyný arqyly otbasylardyń muqtajdyǵyn az da bolsa qanaǵattandyrý – halyqtyń birligi pen senimin arttyrýǵa qadam bolady dep bilemin. Biz tek birigý arqyly jańa qoǵamnyń gúldenýine qol jetkizemiz! – deidi qordyń Almaty oblysy filialynyń direktory Ǵalymbek Jaqsylyqov.
Árine bul qaiyrymdylyq qory jobalarynyń bir tarmaǵy ǵana. 2016 jyly qurylǵan «Halyq» qaiyrymdylyq qory elimizdegi mańyzdy salalar – áleýmettik qorǵaý jáne densaýlyq saqtaý, sport, mádeniet jáne bilim salalarynda aýqymdy jobalar iske asyrýda. Jalpy alǵanda, 2016 jyldan beri 45 mlrd teńgege qaiyrymdylyq kómek kórsetildi.
