«Saıram-Ógem» memlekettik ulttyq tabıǵı parkiniń «Túrkistan» dep atalatyn taý shyńyna oblystyń qurylǵanyna 5 jyl tolýyna oraı arnaıy taqtaısha ornatyldy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Bul bastama Túrkistan oblysynyń mádenıet jáne týrızm basqarmasyna qarasty «Open Turkistan» týrısik aqparattyq ortalyǵy JSHS-niń uıymdastyrýymen ótken «Túrkistan taýlary» ekotýrıstik festıvali aıasynda júzege asyryldy.

«Ontustik Alpinism» álpınızm federasıasynyń jetekshisi Taras Moıseev bastaǵan álpınıser toby Batys Tán-SHan silemderinde (Ógem jotasy) ornalasqan 3700 metr bıiktiktegi «Túrkistan» shyńyn baǵyndyrdy.

Atalǵan federasıa taý týrızmin damytý baǵytynda kásibı túrde aınalysady.

Álpınıser taýǵa kóterilgen soń vıdeo-sálemdeme joldap, tarıhı sáttiń áserimen bólisti. Túrkistan oblysynyń ákimdigi syılaǵan múmkindiktiń mańyzy zor ekenin atap ótip, mundaı sharalarǵa belsene qatysatyndaryn jetkizdi.

Eske salsaq, Túrkistan oblysy ákiminiń orynbasary Beısen Tájibaev festıváldiń ashylý saltanatynda taýdyń shyńyna ornatylatyn taqtaıshany usynǵan bolatyn