«سايرام-وگەم» مەملەكەتتىك ۇلتتىق تابيعي پاركىنىڭ «تۇركىستان» دەپ اتالاتىن تاۋ شىڭىنا وبلىستىڭ قۇرىلعانىنا 5 جىل تولۋىنا وراي ارنايى تاقتايشا ورناتىلدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

بۇل باستاما تۇركىستان وبلىسىنىڭ مادەنيەت جانە تۋريزم باسقارماسىنا قاراستى «Open Turkistan» تۋريستىك اقپاراتتىق ورتالىعى ءجشس-نىڭ ۇيىمداستىرۋىمەن وتكەن «تۇركىستان تاۋلارى» ەكوتۋريستىك فەستيۆالى اياسىندا جۇزەگە اسىرىلدى.

«Ontustik Alpinism» الپينيزم فەدەراسياسىنىڭ جەتەكشىسى تاراس مويسەيەۆ باستاعان الپينيستەر توبى باتىس تيان-شان سىلەمدەرىندە (وگەم جوتاسى) ورنالاسقان 3700 مەتر بيىكتىكتەگى «تۇركىستان» شىڭىن باعىندىردى.

اتالعان فەدەراسيا تاۋ ءتۋريزمىن دامىتۋ باعىتىندا كاسىبي تۇردە اينالىسادى.

الپينيستەر تاۋعا كوتەرىلگەن سوڭ ۆيدەو-سالەمدەمە جولداپ، تاريحي ءساتتىڭ اسەرىمەن ءبولىستى. تۇركىستان وبلىسىنىڭ اكىمدىگى سىيلاعان مۇمكىندىكتىڭ ماڭىزى زور ەكەنىن اتاپ ءوتىپ، مۇنداي شارالارعا بەلسەنە قاتىساتىندارىن جەتكىزدى.

ەسكە سالساق، تۇركىستان وبلىسى اكىمىنىڭ ورىنباسارى بەيسەن تاجىبايەۆ فەستيۆالدىڭ اشىلۋ سالتاناتىندا تاۋدىڭ شىڭىنا ورناتىلاتىن تاقتايشانى ۇسىنعان بولاتىن