Almaty qalasynda Respýblika kúnine arnalǵan keń aýqymdy mádeni, sporttyq jáne qoǵamdyq is-sharalar aptasy bastaldy. Merekelik baǵdarlama 22–25 qazan aralyǵyn qamtidy, dep habarlaidy Dalanews.kz.
Basty oqiǵalar qatarynda 24 qazanda Respýblika saraiynda ótetin merekelik kontsert jáne 25 qazanda «Medeý» muz aidynynda Memlekettik Týdy kóterý men Ánurandy oryndaý saltanaty bar. Bul is-sharalarǵa qalalyq Mádeniet basqarmasy men Ishki saiasat basqarmasy jaýapty.
Mereke aiasynda qala turǵyndary men qonaqtary úshin sporttyq jarystar men festivalder uiymdastyrylýda. Atap aitqanda, balalar arasyndaǵy hokkei týrniri, djiý-djitsý jáne fýtbol ligalary, stýdentter men áýesqoilar arasyndaǵy jarystar, sondai-aq «Suńqar» halyqaralyq shańǵy tramplinder kesheninde 400 metrge júgirý saiysy ótedi. Jalpy sporttyq sharalarǵa 7 myńǵa jýyq adam qatysady dep josparlanǵan.
Sonymen birge ár aýdanda ózine tán mazmundaǵy merekelik kontsertter, patriottyq keshter, dóńgelek ústelder men fleshmobtar ótedi. Máselen, Alataý aýdanynda «Respýblika kúni – ulttyq birlik pen jańǵyrý merekesi» atty dóńgelek ústel uiymdastyrylsa, Áýezov aýdanynda Batyr Baýyrjan Momyshuly atyndaǵy áskeri kolledjde «Ant qabyldaý» saltanaty ótedi.
Almaly aýdanynda Qurmanǵazy atyndaǵy halyq aspaptar orkestri kontsert ótkizse, Medeý aýdanynda Jambyl atyndaǵy filarmoniia men Almaty Gallery alańdarynda úlken merekelik baǵdarlamalar usynylady.
Mereke qarsańynda Bostandyq aýdanynda «Taza Qazaqstan» ekologiialyq senbiligi, ardagerlerdi quttyqtaý aktsiiasy jáne «Republic voice» halyq mikrofony jobasy da ótedi.
Barlyq is-sharalar qalalyq ákimdik pen aýdandyq mádeniet bólimderiniń qoldaýymen uiymdastyrylyp, turǵyndar arasynda patriottyq rýh pen ulttyq birlikti nyǵaitýǵa baǵyttalǵan.
