Qazaqstannyń aqyly avtojoldarynda ortasha jyldamdyqty tirkeitin kameralar kezeń-kezeńimen ornatylady. Bul týraly Avtomobil joldary komiteti tóraǵasynyń orynbasary Maqsat Baiahmet málimdedi, dep habarlaidy dalanews.kz.
Onyń aitýynsha, jańa baqylaý júieleri eń aldymen uzyndyǵy shamamen 4,9 myń shaqyrymdy quraityn aqyly jol ýchaskelerine engiziledi.
“Negizgi baǵyttardyń qatarynda Qaraǵandy – Almaty, Óskemen – Taldyqorǵan jáne Qorǵastan Almatyǵa deiingi joldar bar. Bul baǵyttarda kameralardy ornatý jumystary jalǵasady”, – dedi ol.
Maqsat Baiahmettiń sózinshe, ortasha jyldamdyqty baqylaý júiesin engizý jol-kólik oqiǵalarynyń sanyn shamamen 15 paiyzǵa azaitýǵa múmkindik bergen.
