Almatyda zeinetkerlerge qatysty internet-alaiaqtyq jasady degen kúdikpen bir top adam ustaldy, dep habarlaidy dalanews.kz.
Qalalyq prokýratýranyń málimetinshe, kúdiktiler egde jastaǵy azamattardy aldap, olardyń múlkin satýǵa jáne aqshasyn óz baqylaýyndaǵy esepshottarǵa aýdarýǵa kóndirgen.
«Almaty qalasy prokýratýrasynyń úilestirýimen qart azamattarǵa qatysty birqatar internet-alaiaqtyq derekterine qatysy bar adamdar tobynyń zańsyz áreketiniń joly kesildi», – delingen habarlamada.
Tergeý nusqasyna sáikes, kúdiktiler ózderin quqyq qorǵaý organdarynyń nemese qarjy uiymdarynyń qyzmetkerleri retinde tanystyryp, jábirlenýshilerdi jańylystyrǵan.
Olar azamattardy túrli syltaýmen páterleri men ózge de jyljymaityn múlkin satýǵa, sondai-aq aqshalaryn qaýipsiz shot retinde kórsetilgen esepshottarǵa aýdarýǵa úgittegen.
«Tergeý barysynda qylmystyq shemany uiymdastyrdy jáne oǵan qatysty degen kúdikke ilingen tulǵalar anyqtalyp, ustaldy. Olardyń áreketteri Qylmystyq kodekstiń 190-baby 4-bóligi boiynsha saralanyp, sottyń sanktsiiasymen qamaýǵa alý túrindegi bultartpaý sharasy qoldanyldy», – dep habarlady prokýratýra.
Vedomstvonyń dereginshe, keltirilgen shyǵyn kólemi 1,5 mlrd teńgeden asady.
Qazir sotqa deiingi tergep-tekserý jalǵasyp jatyr. Quqyq qorǵaý organdary qylmystyq árekettiń barlyq mán-jaiyn jáne oǵan qatysy bolýy múmkin ózge tulǵalardy anyqtaý jumystaryn júrgizýde.
