Soltústik Qazaqstan oblysynda aýyl sharýashylyǵy kásipornynyń mehanizatory egistik alqabyn óńdeý kezinde himiialyq zattan ýlanyp qaitys boldy, dep habarlaidy dalanews.kz.
Oblystyq politsiia departamentiniń málimetinshe, Timiriazev aýdanynda turatyn azamattyń ólimi boiynsha qylmystyq is qozǵalǵan.
«SQO Timiriazev aýdany turǵynynyń qaza bolý faktisi boiynsha qylmystyq is qozǵaldy. Qazirgi ýaqytta qajetti tergeý áreketteriniń tolyq kesheni júrgizilip jatyr. Tergeý organdary oqiǵanyń barlyq mán-jaiyn anyqtap, zertteýde. Tergeý qorytyndysy boiynsha zańdy protsessýaldyq sheshim qabyldanady», – dep habarlady politsiia departamenti.
BAQ málimetinshe, qaiǵyly oqiǵa Timiriazev aýdanynda bolǵan. «Qazaqstan Bidaiy» JShS-de jumys istegen 46 jastaǵy mehanizator egistik alqabyn himiialyq óńdeý kezinde kóz jumǵan. Aldyn ala málimet boiynsha, ólimge pestitsidterden bolǵan jedel ýlaný sebep bolǵan.
Aqparatqa sáikes, marqum Lenin aýyldyq okrýginiń aýmaǵyndaǵy egistikte jumys istegen. Tańerteń josparly himiialyq óńdeý jumystaryna kirisken. Tún ortasynan keiin agrohimikat quiylǵan syiymdylyqty toltyrý kezinde esinen tanyp qalǵan.
Áriptesteri ony aýdandyq aýrýhanaǵa jetkizýge tyrysqanymen, mehanizator jolda qaitys bolǵan.
Oqiǵanyń mán-jaiyn Memlekettik eńbek inspektsiiasy komitetiniń óńirlik departamenti de tekserip jatyr. Arnaiy tergeý aiasynda kásiporynda qaýipti himiialyq zattarmen jumys isteý kezindegi qaýipsizdik talaptarynyń saqtalǵan-saqtalmaǵany jáne qyzmetkerlerdiń qajetti jeke qorǵanys quraldarymen qamtamasyz etilgen-etilmegeni anyqtalady.
BAQ málimetinshe, «Qazaqstan Bidaiy» JShS astyq jáne burshaq daqyldaryn ósirýmen qatar mal sharýashylyǵymen de ainalysady. Qazirgi ýaqytta kásiporyn quny 3 mlrd teńgeden asatyn tolyq tsikldi zaýyt salý jobasyn júzege asyryp jatyr.
Oqiǵanyń barlyq mán-jaiyn anyqtaý úshin oblystyq eńbek inspektsiiasy departamenti arnaiy komissiia qurǵan.
