سولتٷستٸك قازاقستان وبلىسىندا اۋىل شارۋاشىلىعى كەسٸپورنىنىڭ مەحانيزاتورى ەگٸستٸك القابىن ٶڭدەۋ كەزٸندە حيمييالىق زاتتان ۋلانىپ قايتىس بولدى, دەپ حابارلايدى dalanews.kz.
وبلىستىق پوليتسييا دەپارتامەنتٸنٸڭ مەلٸمەتٸنشە, تيميريازەۆ اۋدانىندا تۇراتىن ازاماتتىڭ ٶلٸمٸ بويىنشا قىلمىستىق ٸس قوزعالعان.
«سقو تيميريازەۆ اۋدانى تۇرعىنىنىڭ قازا بولۋ فاكتٸسٸ بويىنشا قىلمىستىق ٸس قوزعالدى. قازٸرگٸ ۋاقىتتا قاجەتتٸ تەرگەۋ ەرەكەتتەرٸنٸڭ تولىق كەشەنٸ جٷرگٸزٸلٸپ جاتىر. تەرگەۋ ورگاندارى وقيعانىڭ بارلىق مەن-جايىن انىقتاپ, زەرتتەۋدە. تەرگەۋ قورىتىندىسى بويىنشا زاڭدى پروتسەسسۋالدىق شەشٸم قابىلدانادى», – دەپ حابارلادى پوليتسييا دەپارتامەنتٸ.
باق مەلٸمەتٸنشە, قايعىلى وقيعا تيميريازەۆ اۋدانىندا بولعان. «قازاقستان بيدايى» جشس-دە جۇمىس ٸستەگەن 46 جاستاعى مەحانيزاتور ەگٸستٸك القابىن حيمييالىق ٶڭدەۋ كەزٸندە كٶز جۇمعان. الدىن الا مەلٸمەت بويىنشا, ٶلٸمگە پەستيتسيدتەردەن بولعان جەدەل ۋلانۋ سەبەپ بولعان.
اقپاراتقا سەيكەس, مارقۇم لەنين اۋىلدىق وكرۋگٸنٸڭ اۋماعىنداعى ەگٸستٸكتە جۇمىس ٸستەگەن. تاڭەرتەڭ جوسپارلى حيمييالىق ٶڭدەۋ جۇمىستارىنا كٸرٸسكەن. تٷن ورتاسىنان كەيٸن اگروحيميكات قۇيىلعان سىيىمدىلىقتى تولتىرۋ كەزٸندە ەسٸنەن تانىپ قالعان.
ەرٸپتەستەرٸ ونى اۋداندىق اۋرۋحاناعا جەتكٸزۋگە تىرىسقانىمەن, مەحانيزاتور جولدا قايتىس بولعان.
وقيعانىڭ مەن-جايىن مەملەكەتتٸك ەڭبەك ينسپەكتسيياسى كوميتەتٸنٸڭ ٶڭٸرلٸك دەپارتامەنتٸ دە تەكسەرٸپ جاتىر. ارنايى تەرگەۋ اياسىندا كەسٸپورىندا قاۋٸپتٸ حيمييالىق زاتتارمەن جۇمىس ٸستەۋ كەزٸندەگٸ قاۋٸپسٸزدٸك تالاپتارىنىڭ ساقتالعان-ساقتالماعانى جەنە قىزمەتكەرلەردٸڭ قاجەتتٸ جەكە قورعانىس قۇرالدارىمەن قامتاماسىز ەتٸلگەن-ەتٸلمەگەنٸ انىقتالادى.
باق مەلٸمەتٸنشە, «قازاقستان بيدايى» جشس استىق جەنە بۇرشاق داقىلدارىن ٶسٸرۋمەن قاتار مال شارۋاشىلىعىمەن دە اينالىسادى. قازٸرگٸ ۋاقىتتا كەسٸپورىن قۇنى 3 ملرد تەڭگەدەن اساتىن تولىق تسيكلدٸ زاۋىت سالۋ جوباسىن جٷزەگە اسىرىپ جاتىر.
وقيعانىڭ بارلىق مەن-جايىن انىقتاۋ ٷشٸن وبلىستىق ەڭبەك ينسپەكتسيياسى دەپارتامەنتٸ ارنايى كوميسسييا قۇرعان.
