Qazaqstanda benzin men dizel otynynyń qymbattaýyna tyiym salý keminde kelesi jyldyń kóktemine deiin uzartylmaq. Bul týraly Májiliste ótken brifingte Premer-ministrdiń orynbasary, Ulttyq ekonomika ministri Serik Jumanǵarin málimdedi, dep habarlaidy Dalanews.kz.
"Moratorii kem degende kóktemge deiin jalǵasady. Biz kórshi elderdegi jaǵdai turaqtalǵanyn kútýimiz kerek. Qazir baǵa aiyrmasyn azaitýǵa tyrysyp jatyrmyz, biraq ol kerisinshe ulǵaiyp barady. Buǵan eki sebep bar: birinshisi — aiyrbas baǵamynyń aýytqýy, ekinshisi — keibir kórshi elderde janarmai tapshylyǵynyń týyndaýy. Al tapshylyq baǵanyń ósýine yqpal etedi. Olar bizden ózgeshe, baǵany ustap turmaidy", - dedi ministr.
Aita keteiik, 16 qazan kúni Qazaqstanda AI-92 markaly benzin men dizel otynynyń baǵasyn kóterýge moratorii engizilgen bolatyn. Osy kúnnen bastap janarmai baǵasy bekitilip, ýaqytsha ózgerissiz qaldyryldy.
