قازاقستاندا بەنزين مەن ديزەل وتىنىنىڭ قىمباتتاۋىنا تىيىم سالۋ كەمٸندە كەلەسٸ جىلدىڭ كٶكتەمٸنە دەيٸن ۇزارتىلماق. بۇل تۋرالى مەجٸلٸستە ٶتكەن بريفينگتە پرەمەر-مينيستردٸڭ ورىنباسارى, ۇلتتىق ەكونوميكا مينيسترٸ سەرٸك جۇمانعارين مەلٸمدەدٸ, دەپ حابارلايدى Dalanews.kz.
"موراتوريي كەم دەگەندە كٶكتەمگە دەيٸن جالعاسادى. بٸز كٶرشٸ ەلدەردەگٸ جاعداي تۇراقتالعانىن كٷتۋٸمٸز كەرەك. قازٸر باعا ايىرماسىن ازايتۋعا تىرىسىپ جاتىرمىز, بٸراق ول كەرٸسٸنشە ۇلعايىپ بارادى. بۇعان ەكٸ سەبەپ بار: بٸرٸنشٸسٸ — ايىرباس باعامىنىڭ اۋىتقۋى, ەكٸنشٸسٸ — كەيبٸر كٶرشٸ ەلدەردە جانارماي تاپشىلىعىنىڭ تۋىنداۋى. ال تاپشىلىق باعانىڭ ٶسۋٸنە ىقپال ەتەدٸ. ولار بٸزدەن ٶزگەشە, باعانى ۇستاپ تۇرمايدى", - دەدٸ مينيستر.
ايتا كەتەيٸك, 16 قازان كٷنٸ قازاقستاندا اي-92 ماركالى بەنزين مەن ديزەل وتىنىنىڭ باعاسىن كٶتەرۋگە موراتوريي ەنگٸزٸلگەن بولاتىن. وسى كٷننەن باستاپ جانارماي باعاسى بەكٸتٸلٸپ, ۋاقىتشا ٶزگەرٸسسٸز قالدىرىلدى.
