Ensiz jartasty kanonnyń arasynda ornalasqan bóget qaqpasynyń tómengi jaǵynyń eni 50-60 metr, al tóbesiniń eni 110 metrge deiin jetedi. Bógettiń jalpy uzyndyǵy 60,7 metr, qurylystyń maksimaldy biiktigi 2,6 metrdi quraidy.
– Úidene gidrotorabynyń konstrýktsiiasy sýqashyrtqy beton bógetten, oń jáne sol jaǵalaý rettegishterden jáne sýurma qabyrǵadan turady. Gidrotoraptyń irge tasy «Lengiprovodhozdyń» jobasy boiynsha 1964 jyly qalanǵan. Qaita jańǵyrtý kezinde gidrotoraptyń bas qurylysy, R3 magistraldy kanaly jáne sol jaǵalaý magistraldy kanaly tolyǵymen jóndeldi. Olar arqyly Zaisan aýdanynyń 10252 gektar jerin sýarýǵa múmkindik bar, – deidi «Qazsýshar» RMK Shyǵys Qazaqstan filialynyń direktory Rahymjan Nyǵmetjanov.
Direktordyń sózinshe, paidalanýǵa berilgen nysan aýdandaǵy sýarmaly alqaptarǵa sýdyń úzdiksiz kelýin, sáikesinshe, sýarmaly jerler kóleminiń ulǵaiýyna múmkindik beredi.
Joba aýyl sharýashylyǵy taýar óndirýshilerine mal azyǵy men dán-daqyldardyń ónim qoryn molynan jinaýǵa septesetin bolady. Budan bólek 2022 jyldyń vegetatsiia kezeńinde qosymsha toǵyz jumys orny ashylýy múmkin. Jalpy, bul joba óńirdegi sý tapshylyǵy máselesin tolyqtai sheshpek.
