Qala sharýashylyǵy
Shymkentte ótken on bir aida barlyq salada ekonomikalyq ósim dinamikasy baiqaldy. Ekonomikanyń negizgi sektorlaryna jeke toqtalar bolsaq, ótken jyldyń tiisti kezeńimen salystyrǵanda ónerkásip ónim kóleminiń indeksi 6,3 paiyzǵa, investitsiia kólemi – 55 paiyzǵa, qurylys jumystary – 9,6 paiyzǵa, paidalanýǵa berilgen turǵyn úiler alańy – 63,6 paiyzǵa, bólshek saýda kólemi – 9,8 paiyzǵa artqan.
Murat Áitenov turǵyndardyń ómir súrý sapasyn arttyrý, olarǵa jaily ári qaýipsiz orta qalyptastyrý jónindegi mindetter birinshi kezekte atqarylýy tiis jumystar retinde belgilenip, qalanyń injenerlik infraqurylymyn damytýǵa airyqsha kóńil bólingenin jetkizdi.
Biylǵy jyly turǵyndardy káriz júiesimen qamtý deńgeii 52 paiyzdan 54 paiyzǵa jetedi. Damý jospary boiynsha 2025 jyly kárizben qamtý kórsetkishi 75 paiyzǵa jetpek.
Myń oryndy klinikanyń qurylysyn bastaldy
Ákim jýrnalsitermen kezdesýde qalada densaýlyq saqtaý salasyndaǵy basty maqsat – qyzmet sapasyn arttyrý ekenin aitty.
– Joldaýda Prezident meditsina salasynyń infraqurylymyn jaqsartýdy tapsyrdy. Bul baǵytta sońǵy 2 jylda meditsina mekemeleriniń materialdyq-tehnikalyq bazasyn jańartý deńgeii 71,5 paiyzdan 81 paiyzǵa jetetin bolady. Odan bólek, memlekettik meditsinalyq uiymdar 100 paiyz jańadan kompiýterlik tehnikamen qamtamasyz etildi. Sonymen birge, jeke investorlardyń esebinen 5 meditsina jáne PET/KT sáýleli terapiia ortalyqtary ashylady. Qazirgi tańda eki emhananyń qurylysy, №1-shi aýrýhanadaǵy transplantatsiia ortalyǵyn jańartý jumystary júrgizilýde, –dedi Murat Áitenov.
Biznes. 70 jobaǵa 2,5 mlrd teńgege bólindi
Murat Áitenov ngte Memleket basshysynyń «Qarapaiym zattar ekonomikasy» jáne «Biznestiń jol kartasy» baǵdarlamalarynyń merzimin bir jylǵa uzartý jónindegi sheshimi kásipkerler úshin úlken múmkindik ekenin de alǵa tartty.
– Qalada «Biznestiń jol kartasy – 2025» memlekettik baǵdarlamasyn júzege asyrýǵa 8,9 mlrd teńge bólingen. Búginde baǵdarlama sheńberinde 7,8 mlrd teńgege 1 946 jobaǵa qoldaý kórsetildi. «Qarapaiym zattar ekonomikasy» baǵdarlamasy aiasynda 2021 jylǵa 2,9 mlrd teńge bólindi. Búgingi kúnge quny 57,8 mlrd teńgeni quraityn 70 jobaǵa 2,5 mlrd teńgege qoldaý kórsetildi. Atalǵan jumystar kelesi jyly da jalǵasatyn bolady. Sonymen qatar, «Men kásipker bolamyn» jobasymen áielder men jastar kásipkerligin damytý úshin jergilikti is-shara jospary iske asyrylýda. Atalǵan is-shara aiasynda 10 ml. teńgege deiin 1%-dyq 6 shaǵyn nesieler berý qarastyrylǵan. Bul maqsatqa jergilikti biýdjetten 1,1 mlrd. teńge qarjy bólindi, – dedi shahar basshysy.
Qalada kásipkerlerge yńǵaily jaǵdai jasaý úshin «Bizneske arnalǵan úkimet – Shymkent Invest» kásipkerlerge qyzmet kórsetýdiń biryńǵai ortalyǵy qurylǵan. Front-ofiste kásipkerler biznes-jospardy ázirleýden bastap jobany paidalanýǵa berýge deiingi qyzmet turlerin alady. Onyń ishinde barlyq ruqsat berý qujattaryn qarjylandyrý jáne rásimdeý boiynsha kómek kórsetedi. Búginge front-keńseniń qyzmetine 34 myńnan astam azamat júgindi. Sonymen qatar, aǵymdaǵy jyly kásipkerlerdiń jeńildetilgen nesiege qol jetkizýi úshin «Shymkent – Atameken» mikroqarjy uiymy qurylǵan.
Jumyspen qamtý. Shymkentteáleýmettik kómek alýshylar 36 myńnan 11 myńǵa deiin qysqardy
Shymkentte halyqty turaqty jumyspen qamtý arqyly áleýmettik kómekke muqtaj azamattardyń sanyn azaitýǵa basa kóńil bólinýde.
– Esepti kezeńde «Eńbek» baǵdarlamasymen 32 myńnan astam adam jumyspen qamtyldy. Sonymen birge, ekonomika salalarynda 24 myńnan astam jumys oryndary ashyldy. Osynyń esebinen ataýly áleýmettik kómek alýshy otbasy sany aǵymdaǵy jyldyń basyndaǵy 36 myńnan 11 myńǵa deiin azaidy, – dedi shahar basshysy.
Qalada inkliýzivti orta qurý mindeti de basym baǵyttaǵy jumystyń biri bolyp aiqyndalǵan. Bul baǵytta biylǵy jyly múgedektigi bar azamattardy qoldaý úshin biýdjetten 3,7 mlrd teńge qarjy bólingen.
Osy sanattaǵy azamattardy jumysqa ornalastyrý, olarǵa quqyqtyq jáne psihologiialyq kómek kórsetý maqsatynda «Teń qoǵam», kópbalaly analardy áleýmettik qoldaý maqsatynda «Baqytty januia» ortalyqtary ashylǵan.
Úshinshi megapolist
Shymkenttiń damýy Memleket basshysynyń turaqty nazarynda ekenin Murat Áitenov málimdedi. Shahardyń ómir súrýge jaily qalaǵa ainalýy jáne munda qáýipsiz orta qalyptastyrý jumystary josparly túrde iske asyp jatqanyn jetkizdi.
– Qalada 747 áleýmettik mańyzy bar kóshelerdiń 220-sy jaryqtandyrylǵan. Aǵymdaǵy jyly memlekettik-jekeshelik áriptestigi aiasynda 71 kóshede qurylys jumystary aiaqtaldy. Nátijesinde, jaryqtandyrý deńgeii 29 paiyzdan 43 paiyzǵa jetedi. 2025 jyly 75 paiyzǵa jetkizý kózdelgen, –dedi qala ákimi.
Salystyrmaly túrde aitar bolsaq, aǵymdaǵy jyldyń 11 aiynda jalpy qylmystardyń sany 6 paiyzǵa azaiǵan. Sonymen birge, halyq tyǵyz ornalasqan shaǵyn aýdandarda zamanaýi 100 mobildi politsiia beketin salý josparlanǵan. Qazirgi tańda, 7 mobildi bekettiń qurylysy aiaqtalýǵa jaqyn. Kelesi jyly bul baǵytta qarqyndy jumystar júrgizilmek.
