Osyǵan orai, jyl sońynda Serebriansk qalasynyń turǵyndaryna jańa dene shynyqtyrý-saýyqtyrý kesheni qoldanysqa berilmek. Sporttyń ár túrimen ainalysýǵa arnalǵan jabyq alańynan bólek, fýtbol alańy salynbaqshy.
Shyǵys Qazaqstan oblysynyń ákimi Danial Ahmetovtyń tapsyrmasy boiynsha, Serebriansk beiorganikalyq óndiris zaýytynyń burynǵy ákimshilik ǵimaraty mádeni ortalyq retinde qaita jabdyqtalmaqshy. Saraptama nysannyń jaqsy jaǵdaida ekenin kórsetti. Kúrdeli jóndeý men jabdyqtaýdan keiin munda mýzyka mektebi men úiirmeler ornalastyrylyp, arnaiy kontsert zaly, shyǵarmashylyq pen qoldanbaly ónerge arnalǵan alańdar ashylmaq.
Kezekte turǵan kóp balaly otbasylar, pedagogtar men medikterdiń otbasylary úshin burynǵy jataqhana ǵimaratymen qatar, 60 páterli turǵyn úi jóndeletin bolady. Úiler «Bir qabatty Shyǵys» baǵdarlamasy boiynsha salynýda.
Biylǵy jyly burynǵy aýdan ortalyǵy – Tavriia aýylynda Damý baǵdarlamasy boiynsha ortalyq jáne qosalqy joldardyń barlyǵy asfalttalyndy. 16 jeltoqsanda jańa dene shynyqtyrý-saýyqtyrý ortalyǵy óz esigin aiqara ashylday. Sonymen qatar sý qubyry jelileri jańartylyp jatqanyn aita ketýimiz kerek.
Aýylda kópbalaly 14 otbasy qonys toiyn toilaityn bolady. Aýyl úshin eń mańyzdy másele – jylýmen qamtamasyz etý ekeni belgili. Bul másele de oń sheshimin tappaq. Aimaq basshysy atap ótkendei, aýdandyq aýrýhananyń qazandyq qýattylyǵy artady. Ol mektepke, balabaqshaǵa, aýyldyq mádeniet úiine jylý berýge múmkindik beredi. Osy maqsatta qosymsha jeliler salynýda.
Samar aýylynda burynǵy aýdan ortalyqtaryn damytý baǵdarlamasy boiynsha sý qubyry jelilerin qaita jańartý, kóshelerdi ortasha jóndeý júrgizilýde. Eń bastysy – aýyldyń perzenthanasy jańa jabdyqtarmen jabdyqtaldy. Endi tolǵaq qysqan analar júzdegen shaqyrym jol júrip ábigerge túspeidi. Bólimshe dárigerleri álemniń úzdik klinikalarynan taǵylymdamadan ótkenin atap ótken jón.
Baǵdarlamanyń mańyzdy tarmaqtarynyń biri – jas mamandardy qoldaý. «Jastar aýyldan ketpeýi kerek» dep esepteidi jergilikti bilik oryndary. Ol úshin Samarada jergilikti kolledjdiń jataqhanasy jóndeledi. Al jas mamandar turǵyn úi satyp alýǵa jeńildikpen nesie alý múmkindigine ie bolatyn bolady.
Óskemennen 45 shaqyrymda ornalasqan Bozanbai aýylynda baǵdarlamaǵa sáikes, aýrýhana bazasynda ońaltý ortalyǵy ashylady. Qazirdiń ózinde ortalyqty qajetti jabdyqtarmen jabdyqtaý boiynsha joba daiyndalýda. Munda dene shynyqtyrý-saýyqtyrý ortalyǵynyń qurylysy da bastalyp ketken. «Mádeniet úii» men mektepti qaz-qalpynda muqiiat saqtalǵan. Aýyl turǵyndary jańa infraqurylymdyq jobalardyń jas mamandar úshin tabysty bolatynyna kámil senimdi. Óitkeni aýylda jańa jumys oryndary paida bolady.
