Kezdesý barysynda qoǵamdyq densaýlyq saqtaý departamentiniń basshysy Gazez Sýleimenov halyqqa Sholpan aýylynda júrgizilgen zalalsyzdandyrý sharalary jaily jəne Úrjar aýdanydaǵy jalpylai epidemiologiialyq jaǵdai týraly aqparat berdi. Óz kezeginde, oblystyq densaýlyq saqtaý basshysy Marat Shoranov turǵyndarǵa basqarmanyń bastamasymen qarjylyq-sharýashyly pen meditsinalyq qyzmet kórsetý jumystaryn tekserý boiynsha komissiialar qurylǵanyn jetkizdi.
Sondai-aq, Sholpan aýylyna oblystyq pediatr, Semei qalasynan infektsiialyq syrqat boiynsha maman, ádistemelik kómek kórsetý úshin arnaiy jumys tobynan qurylǵan laborant mamandar jiberildi.
– Biz dárigerlerge ádistemelik kómek kórsetemiz, turǵyndarǵa túsindirme jumystaryn júrgizemiz. Barlyq syrqattanǵan jáne aýrýdyń aldyn alý úshin syrqattan aman balalardyń barlyǵyn qarap shyqtyq. Qosymsha qajetti saraptamalar da júrgizildi, – dedi infektsiialyq syrqat mamany Elvira Isabaeva.
Kezdesý sońynda jumysynda salǵyrttyq tanytqan bas dáriger Jeksenbai Tileýberlin qyzmetinen bosatyldy. Óz sózinde Jeksenbai Tileýberlin qatesin túgeldei moiyndap, jibergen aǵattyǵy úshin halyqtan keshirim surady.
– Aýdanda qazir turǵyndar tarapynan naýqastardy óz esebinen tasymaldaý úshin dári-dármek jáne qyzdyratyn jaqpa dáriler satyp alý týraly túsken shaǵymdar boiynsha arnaiy komissiia jumys isteýde. Meditsinalyq kómek kórsetýdiń zamanaýi bolýy men sáikestigi, sapasy jaily tekseris júrgiziledi – dedi oblystyq densaýlyq saqtaý basshysy Marat Shoranov.
Syrqattan qaitys bolǵan qyzdyń anasy ata-analardan naýqastardy jedel járdem kóligimen tasymaldaý úshin, sondai-aq, ambýlatoriialyq emdeý kezinde aqsha alynǵany jaily aqparatty rastap otyr.
– Men qorytyndy saraptamany kútemin, respýblikalyq komissiia naqty diagnozdy anyqtap berse deimin. Budan bylai osyndai qatelikterdi boldyrmaý úshin kináliler óz jazasyn alýlary tiis. Bul jerde kiná bir ǵana bas dárigerden ketken joq. Meniń qyzyma ýaqytyly durys kómek kórsetilmedi,– dedi jýrnalisterge ómirden ótken qyzdyń anasy Indira Jánibekova.
Joǵaryda aitylǵan komissiialar jumysy 1 aidyń ishinde aiaqtalýy tiis jáne onyń qorytyndysy jariialandy. Bir jyl kóleminde Úrjar aýdanyndaǵy barlyq meditsinalyq qyzmetkerleri qaita attestatsiialaýdan ótpek.
