Onyń aıtýynsha, valúta naryǵyndaǵy jaǵdaı turaqty. Ulttyq valútanyń orta merzimdi perspektıvadaǵy baǵamyn aıqyndaıtyn irgeli faktorlar ońtaıly qalyptasýda. Jalpy, 2017 jyldyń ishinde teńge AQSH dollaryna qatysty nomınaldyq kórsetkishte 0,3 paıyzǵa nyǵaıyp, bir AQSH dollary 332,33 teńgeni quraǵan.
– Ońtústik Qazaqstan boıynsha 2017 jyly 2016 jylmen salystyrǵanda AQSH dollaryn satyp alý kólemi 4,22 paıyzǵa, eýro 13,9 paıyzǵa ósti, al reseı rýbli 4,24 paıyzǵa azaıdy. Tap osy aralyqta AQSH dollary 1,2, eýro 1,5, rúbl satylymy 1,26 paıyzǵa ulǵaıdy, – dedi Anýar Amangeldiuly.
Jalpy 2017 jyly Qazaqstan ekonomıkasyna bank kredıtteriniń kólemi 12,7 trln. teńgege jetken. Al, oblys ekonomıkasyna banktik nesıeler kólemi 2016 jylǵa qaraǵanda 10,3 paıyzǵa ósip, 400,9 mlrd. teńgege jetken.
Sondaı-aq, ótken jyldyń qorytyndysy boıynsha oblystaǵy qarjylaı ósim depozıtter baǵytynda da baıqalady. Máselen jyl sońynda depozıtterdiń kólemi 4,4 paıyzǵa ósip, 300,0 mlrd. teńgeni quraǵan. Olardyń ishinde teńgedegi depozıtter 23,9 paıyzǵa artyp, 204,8 mlrd. teńgege deıin jetken. Al, shetel valútasyndaǵy depozıtter kórsetkishi 22,2 paıyzǵa tómendep, 95,2 mlrd. teńgeni quraǵan.
OQO ákiminiń baspasóz qyzmeti
https://dalanews.kz/33705
