«Búgingi tańda Qazaqstan-Resei shekarasynda Qazaqstan Respýblikasyna kirip jatqan shetel azamattarynyń sany artqan. Ornatylǵan 30 avtomobildik ótkizý pýnkti shtattyq rejimde jumys isteýde. Adamdar men kólik quraldary aǵynynyń ulǵaiýyna bailanysty, onyń tórteýinde keptelis baiqalýda. Ahýal erekshe baqylaýda.
Shekara qyzmeti memlekettik quzyretti organdarmen birlesip, shekara arqyly ótý oryndarynda qaýipsizdik pen quqyqtyq tártiptiń saqtalýyn qamtamasyz etýde.
Resei shekara vedomstvosymen ózara birlesken is-qimyl uiymdastyryldy.
UQK Shekara qyzmeti óziniń is-áreketinde halyqaralyq sharttardy jáne QR ishki zańnama normalaryn basshylyqqa alady»,-dep jazyldy habarlamada.
Aita keteiik, 21 qyrkúiek kúni Resei prezidenti Vladimir Pýtin elde jartylai mobilizatsiia jariialady. Ol ásker qataryna 300 myń azamattyń shaqyrylatynyn aitty.
Nátijesinde Resei halqy jaqyn-jýyq shetelderge jappai qasha bastaǵan. Alǵashqy saǵattarda-aq kórshi elderge áýe biletteri tolyqtai satylyp ketti. Reseidiń iri qalalarynda myńdaǵan halyq «soǵysqa qarsy ekenderin» aityp narazylyqqa shyqty.
Qazaqstannyń memlekettik organdary elge kelýshi Reseilikterdiń kúrt ótkeninen habardar ekenin jetkizdi.
Parlament spikeri Máýlen Áshimbaev «Resei azamaty óz eliniń memlekettik organy Qazaqstanǵa kóshýine qarsy emes degen qujat usynbaityn bolsa, oǵan Qazaqstanda turýǵa yqtiiar hattyń berilmeitinin» aitty.
«Qazaqstan Respýblikasynda turaqty turýǵa ruqsat etetin qujat elimizde qandai da bir múmkindikter usynatyny anyq. Bul qujatty alý úshin kez kelgen basqa eldiń azamaty óz memleketinen ruqsat alýy kerek. Bul talap elimizdiń zańnamasynda naqty belgilengen. Iaǵni shetel azamaty óz elinen ketetini týraly arnaiy paraqsha men basqa da qujattardy usynýy tiis. Al saiasi baspana berý, bosqyn dep taný men bosqyn mártebesin berý – ol óz aldyna basqa másele. Bul jaǵdai halyqaralyq sharttarmen, BUU jelisi boiynsha maquldanǵan tiisti qujattarmen retteledi. Qazir bul turǵyda másele kóterelip jatqan joq», – dedi Máýlen Áshimbaev.
Ol, sondai-aq Qazaqstannyń quqyq qorǵaý jáne kóshi-qon organdary sheteldik azamattardyń, sonyń ishinde reseilikterdiń elde turaqty turý úshin ótinishterin eskere otyryp, zańǵa sáikes jumys isteitinin atap ótti.
