Mekteptiń shaǵyn ǵana májilis zalynda ádettegidei Egemen eldiń ánurany oryndalyp, mektep direktory Aminova Gúlshat Bazarbekqyzy quttyqtaý sózge shyǵyp, qazaq terminologiiasynyń negizin qalaǵan alash arysynyń ǵibraty mol týyndylary týraly baiandady.
Ádebi keshtiń qonaqtary – Ahmet Baitursynuly atyndaǵy Til bilimi institýtynyń ǵylymi qyzmetkeri Dúisenov Qýatbek Qonyspaiuly: «Ahmet Baitursynuly bárimizge úlgi. Sebebi ol ámbebap adamnyń jarqyn mysaly. Ol ári ustaz, ári ǵalym, ári saiasatker, ári qoǵam qairatkeri, ári tuńǵysh oqý aǵartý ministri, ári aqyn, ári jazýdy. Ol kisiniń tirligi qiyn zamandarǵa moiymai kúresýge úiretti. Ol kisiniń atqarǵan isteri óz zamany sheńberinen de keń oilaýǵa shaqyrdy» – dep oi túiindedi.
Al, «Órleý» BAUO» AQ filialy Almaty qalasy boiynsha kásibi damý institýtynyń ókili Asylbek Perýza Ózenbekqyzy: «Adamǵa azyq qanshalyqty qajet bolsa, ult úshin tildi saqtaý sonshalyqty qajet...» – dep ana tiliniń mańyzdylyǵyn ómirmen teńestirgen Ahmet Baitursynovtyń qazaq tiliniń dybystyq júiesin, grammatikalyq qurylymyn, qazaq álipbii men emlesin ǵylymi dáiekpen retke keltirip, qazaq tiliniń leksikalyq qory men sintaksistik qurylymyn ózge tilderdiń yqpalynan tazartýǵa kúsh salǵan qasterli eńbegin baǵalaý men zerdeleý, urmetteý búgingi urpaǵynyń buljymas paryzy bolyp qala beretindigin atap ótti.
Kesh júrgizýshileri aitqandai, «Til – tatýlyǵymyzdyń tiregi bolsyn. Túrli ult ókilderi bir shańyraqtyń astynda turyp, qazaq tilin úirenýge talpynsa, bir ult, bir el degen qaǵida júzege asady». Sonyń bir dáleli retinde búgingi merekelik jiynda túrli ult ókilderi qazaq tilinde óz ónerlerin ortaǵa saldy.
Kesh júrgizgen mektep oqýshylary: M.Klenova, qytailyq A. Ianniń qazaq tilinde taza sóilegeni qonaqtardy qyzyqtyrdy.
Is-shara barysynda Ahmet Baitursynov týraly «Uly ustaz» filminen úzindi kórsetilip, ómirbaiany týraly tanystyrylym jasaldy. 5-synyp oqýshysy Asida Kasimova «Qazaq eli osyndai» ánin oryndasa, 3-synyp oqýshylary Ernur men Bernar Rahimovtar dombyrada kúi shertti. Mekteptiń shyǵarmashyl, ónerpaz oqýshylarynan quralǵan bi ansambli túrli etnostardyń halyq bilerin biledi. Al bastaýysh synyptyń úsh oqýshysy «Aqqý, shortan jáne shaian» ertegisi boiynsha shaǵyn qoiylym kórsetti. Merekelik keshte – mekteptiń jasóspirim ónerpazy – Mirastyń oryndaýyndaǵy án kópshiliktiń júregin baýrap aldy.
Órleý-Almaty
