Májilis depýtaty Ermurat Bápi Konstitýtsiialyq reforma aiasynda qoǵamdy alańdańdatqan til máselesine qatysty pikir bildirdi, dep habarlaidy Dalanews.kz.
"Jalpyhalyqtyq talqylaýǵa usynylǵan jańa Konstitýtsiia jobasynyń jalpy saiasi sipatyn salaýatty saralai bilgen adam onyń mazmuny men maqsaty memlekettilikti, qaýipsizdigimiz ben táýelsizdiktiń turaqtylyǵyn kúitteitin astarly isharany túsinse kerek-ti. Úles salmaǵy 70 paiyzdan asqan halyq óziniń tilin ózgege óktemdikpen emes, sary maiǵa ystyq qasyq batyrǵandai baiyppen tańa bilý dál búgin áldeqaida utymdy aila bolar edi. Tildi teketires pen eregestiń qarýyna ainaldyrý bizge ábúiir ápermeidi. Óziniń tilin óktemdikpen tyqpalaǵan imansyz ideialar paida bolǵan zamanda esermen egesý estiniń isi bolmaidy", - dedi depýtat búgin Májilis otyrysynda.
Artynsha Májilis dálizinde bul oiyn jalǵap, depýtat jýrnalisterge mynadai túsinik berdi: "Mundai máseleni bei-jai qaldyra almaimyz. Osy Konstitýtsiialyq jobany talqylaý barysynda áldebir taqyryptardy ózimizdiń múmkindigimizden tys talqylap, óz qolymyzben eldiń ishinde tolqyn týdyrýdan abai bolýymyz kerek".
Eske salaiyq, buǵan deiin Memlekettik keńesshi Erlan Qarin jańa Konstitýtsiia jobasynda qazaq tiline naqty ári airyqsha mártebe berilgenin málimdedi.
