مەجٸلٸس دەپۋتاتى ەرمۇرات بەپي كونستيتۋتسييالىق رەفورما اياسىندا قوعامدى الاڭداڭداتقان تٸل مەسەلەسٸنە قاتىستى پٸكٸر بٸلدٸردٸ, دەپ حابارلايدى Dalanews.kz.
"جالپىحالىقتىق تالقىلاۋعا ۇسىنىلعان جاڭا كونستيتۋتسييا جوباسىنىڭ جالپى ساياسي سيپاتىن سالاۋاتتى سارالاي بٸلگەن ادام ونىڭ مازمۇنى مەن ماقساتى مەملەكەتتٸلٸكتٸ, قاۋٸپسٸزدٸگٸمٸز بەن تەۋەلسٸزدٸكتٸڭ تۇراقتىلىعىن كٷيتتەيتٸن استارلى يشارانى تٷسٸنسە كەرەك-تٸ. ٷلەس سالماعى 70 پايىزدان اسقان حالىق ٶزٸنٸڭ تٸلٸن ٶزگەگە ٶكتەمدٸكپەن ەمەس, سارى مايعا ىستىق قاسىق باتىرعانداي بايىپپەن تاڭا بٸلۋ دەل بٷگٸن ەلدەقايدا ۇتىمدى ايلا بولار ەدٸ. تٸلدٸ تەكەتٸرەس پەن ەرەگەستٸڭ قارۋىنا اينالدىرۋ بٸزگە ەبٷيٸر ەپەرمەيدٸ. ٶزٸنٸڭ تٸلٸن ٶكتەمدٸكپەن تىقپالاعان يمانسىز يدەيالار پايدا بولعان زاماندا ەسەرمەن ەگەسۋ ەستٸنٸڭ ٸسٸ بولمايدى", - دەدٸ دەپۋتات بٷگٸن مەجٸلٸس وتىرىسىندا.
ارتىنشا مەجٸلٸس دەلٸزٸندە بۇل ويىن جالعاپ, دەپۋتات جۋرناليستەرگە مىناداي تٷسٸنٸك بەردٸ: "مۇنداي مەسەلەنٸ بەي-جاي قالدىرا المايمىز. وسى كونستيتۋتسييالىق جوبانى تالقىلاۋ بارىسىندا ەلدەبٸر تاقىرىپتاردى ٶزٸمٸزدٸڭ مٷمكٸندٸگٸمٸزدەن تىس تالقىلاپ, ٶز قولىمىزبەن ەلدٸڭ ٸشٸندە تولقىن تۋدىرۋدان اباي بولۋىمىز كەرەك".
ەسكە سالايىق, بۇعان دەيٸن مەملەكەتتٸك كەڭەسشٸ ەرلان قارين جاڭا كونستيتۋتسييا جوباسىندا قازاق تٸلٸنە ناقتى ەرٸ ايرىقشا مەرتەبە بەرٸلگەنٸن مەلٸمدەدٸ.
