«6 aidyń ishinde 55 myń orys jaýyngeri qaza tapty. On myńdaǵan adam jaralandy, múgedek boldy. Statistikanyń odan ári óskenin qalaisyz ba? Joq? Onda narazylyqqa shyǵyńyzdar.
Elden ketińizder ia bizge berilińizder. Bul aman qalýdyń nusqalary.
Reseide er adamdarda ólý nemese ómir súrý degen tańdaý bar. Al áielder ne kúieýlerin, uldaryn, nemerelerin máńgilikke joǵaltady, ne olardy ólimnen, soǵystan aman qalýǵa tyrysady.
Analar, Reseide sheshim qabyldai alǵandar ǵana óz balalaryn qorǵai alady. Al kóngender tipti jerlenbei qalady»,—dedi ol.
Resei Pýtinniń sheshimine úsh túrli reaktsiia bildirdi.
Bir top Pýtinniń sheshimin durys dese, endi bir top elden ketý joldaryn izdep, ushaq pen poezǵa bilet izdep ketti. Kólikke otyryp, shekara aspaq bolǵandar sany da jeterlik.
Úshinshi top qala kóshelerine shyǵyp, narazylyqtaryn bildirdi.
Mobilizatsiia jariialaǵannan keiin oppozitsiia ókilderi, Navalnyidyń komandasy men soǵysqa qarsy qozǵalys ókilderi mitingke shaqyrdy. Reseide Máskeý ýaqyty boiynsha 19:00-ge narazylyq aktsiialary ótedi dep jariialandy. Reseidiń 30-dan astam qalasynda aktsiialar ótip, eki myńǵa jýyq adam ustaldy.
Eski stsenarii boiynsha ótti. Kóshege shyǵyp, soǵysqa qarsy urandar aitty. "Soǵysqa jol joq", "Pýtindi soǵysqa jibereiik", "Resei-Ýkraina dostyǵy jasasyn" dep urandady halyq. Tártip saqshylary mitingke shyǵýshylardy uryp-soǵyp, alyp ketti. Osylaisha mitingter maqsatsyz, nátijesiz aiaqtaldy.
Batys sarapshylary Reseidegi mitingter nátije bermeidi dep sanaidy. Sebebi kóshbasshy joq, halyq az, al uiymdastyrý ádisi eski. Bul ońai basylyp-janshylady deidi olar. Osylaisha Reseidegi antisoǵystyq áreketter bastalmai jatyp, bitti.
https://dalanews.kz/bas-takyryp/81558-ayes-salatyn-oryn-belgili-endi-qaulyny
