Premer-ministr Oljas Bektenov Minskige resmi saparmen bardy, dep habarlaidy dalanews.kz.
Resmi sapar aiasynda Qazaqstan premer-ministrin Belarýs Respýblikasynyń prezidenti Aleksandr Lýkashenko qabyldady. Oljas Bektenov Qazaqstan Prezidenti Qasym-Jomart Toqaevtyń ystyq sálemi men shynaiy lebizin jetkizdi. Kezdesý barysynda Qazaqstan men Belarýs arasynda uzaq jylǵa ulasqan dostyqqa, ózara qurmet pen joǵary deńgeidegi senimge arqaý bolǵan tyǵyz bailanys qalyptasqany aityldy.
Aleksandr Lýkashenko Qazaqstan men Belarýs halqyn "jaqyn halyqtar" dep atap, eki eldi tek áriptestik qarym-qatynas emes, ortaq tarih ta bailanystyratynyn aitty.
"Bóten adamdarǵa kelmegenderińizdi bilýlerińiz kerek. Bizdi qan bailanystyrady", - dedi Lýkashenko.
Ol Uly Otan soǵysy kezinde myńdaǵan qazaqstandyq Belarýs aýmaǵynda soǵysqanyn eske saldy. Lýkashenko Qazaqstanmen qarym-qatynas damyp kele jatqanyn aityp, Minsk mashina jasaý, aýyl sharýashylyǵy, joǵary tehnologiialar jáne basqa da salalardaǵy yntymaqtastyqty keńeitýge daiyn ekenin jetkizdi. Onyń aitýynsha, arada talqylanbaityn másele joq.
