AQSh ǵalymdary adamnyń immýndyq júiesin AITV virýsyn dári-dármeksiz-aq baqylaýǵa úiretý baǵytynda mańyzdy nátijege qol jetkizdi, dep habarlaidy dalanews.kz.
Bloomberg basylymynyń málimetinshe, AITV infektsiiasyn zertteýshi jetekshi ǵalymdardyń biri Stiven Diks júrgizgen tájiribe barysynda 10 adam antiretrovirýstyq terapiiany dárigerlerdiń qatań baqylaýymen toqtatqan. Zertteý nátijesinde qatysýshylardyń 10-ynyń 7-sinde virýs deńgeiin em-domsyz baqylaýda ustaý múmkin bolǵan. Al bir qatysýshyda AITV virýsy 18 aidan astam ýaqyt boiy dári qabyldamai-aq basylǵan kúide saqtalǵan.
Ǵalymdardyń aitýynsha, zertteý aýqymy ázirge shaǵyn jáne qoldanylǵan ádisti keń kólemde engizý ońai emes. Soǵan qaramastan, bul tájiribe AITV infektsiiasyn uzaq ýaqyt boiy turaqty terapiiasyz baqylaýda ustaýǵa bolatynyn kórsetken.
Mamandardyń kelesi maqsaty – osy eksperimenttik tásildi qarapaiym ári qoljetimdi emdeý ádisine ainaldyrý.
Qazirgi ýaqytta AITV juqtyrǵan adamdardyń basym bóligi virýsty baqylaýda ustaý úshin ómir boiy antiretrovirýstyq preparattardy qabyldaýǵa májbúr. Sondyqtan jańa zertteý bolashaqta emdeý tásilderin túbegeili ózgertýi múmkin.
