Qazaqstanda kún kúrt sýytady, soltústikte qar jaýyp, kóktaiǵaq bolady, dep habarlaidy dalanews.kz.
Qazaqstan aýmaǵyna soltústik tsiklon yǵysýyna bailanysty aldaǵy kúnderi kún kúrt sýytady. Sinoptikter respýblika boiynsha turaqsyz aýa raiyn boljap otyr.
Eldiń basym bóliginde jańbyr men qar jaýady. 5 qazanǵa qarai soltústik óńirlerde túnde qar jaýyp, kóktaiǵaq bolady. Ońtústik pen shyǵysta jańbyr jaýady. Batys pen soltústikte túnde, tańerteń tuman túsedi. Respýblika boiynsha jel kúsheiedi.
"Soltústik óńirlerde túngi aýa temperatýrasy -1...-6 gradýsqa deiin tómendeidi. Kúndiz soltústik-batys, soltústik jáne ortalyq óńirlerde aýa temperatýrasy 0...+5 gradýs, shyǵysta +7...+12 gradýs, ońtústik pen ońtústik-shyǵysta +10...+15 gradýs aralyǵynda bolady. Taýly jerlerde aýa temperatýrasy 0...+5 gradýsqa deiin tómendeidi. Al batys óńirlerde kúndiz aýa temperatýrasy +10...+18 gradýsqa deiin kóteriledi", - dedi sinoptikter.
