قازاقستاندا كٷن كٷرت سۋىتادى, سولتٷستٸكتە قار جاۋىپ, كٶكتايعاق بولادى, دەپ حابارلايدى dalanews.kz.
قازاقستان اۋماعىنا سولتٷستٸك تسيكلون ىعىسۋىنا بايلانىستى الداعى كٷندەرٸ كٷن كٷرت سۋىتادى. سينوپتيكتەر رەسپۋبليكا بويىنشا تۇراقسىز اۋا رايىن بولجاپ وتىر.
ەلدٸڭ باسىم بٶلٸگٸندە جاڭبىر مەن قار جاۋادى. 5 قازانعا قاراي سولتٷستٸك ٶڭٸرلەردە تٷندە قار جاۋىپ, كٶكتايعاق بولادى. وڭتٷستٸك پەن شىعىستا جاڭبىر جاۋادى. باتىس پەن سولتٷستٸكتە تٷندە, تاڭەرتەڭ تۇمان تٷسەدٸ. رەسپۋبليكا بويىنشا جەل كٷشەيەدٸ.
"سولتٷستٸك ٶڭٸرلەردە تٷنگٸ اۋا تەمپەراتۋراسى -1...-6 گرادۋسقا دەيٸن تٶمەندەيدٸ. كٷندٸز سولتٷستٸك-باتىس, سولتٷستٸك جەنە ورتالىق ٶڭٸرلەردە اۋا تەمپەراتۋراسى 0...+5 گرادۋس, شىعىستا +7...+12 گرادۋس, وڭتٷستٸك پەن وڭتٷستٸك-شىعىستا +10...+15 گرادۋس ارالىعىندا بولادى. تاۋلى جەرلەردە اۋا تەمپەراتۋراسى 0...+5 گرادۋسقا دەيٸن تٶمەندەيدٸ. ال باتىس ٶڭٸرلەردە كٷندٸز اۋا تەمپەراتۋراسى +10...+18 گرادۋسقا دەيٸن كٶتەرٸلەدٸ", - دەدٸ سينوپتيكتەر.
