Joǵary bilim alý aqysy – bir otbasy úshin qalta kótererlik shyǵyn bolsa, keibiriniń qarjy júgin aýyrlata túser shyǵyn. Qazaqstanda erikti bilim berý jinaqtaý-saqtandyrý baǵdarlamalarynyń kómegimen bala oqytýǵa qajet qordy aldyn ala jinaýǵa bolady, dep habarlaidy dalanews.kz.
Osyndai quraldardyń biri – «Keleshek» atty memlekettik baǵdarlamaǵa qatysatyn Halyk-Life-tyń «Bilim-life» baǵdarlamasy.
«Keleshek» degen ne?
Aldymen memlekettik «Keleshek» júiesi ne ekenine az-kem toqtala ketsek. Bul – qazaqstandyq balalarǵa sapaly joǵary bilim alýǵa múmkindik berý úshin qurylǵan júie. Ol barlyq qarjy kózderin biryńǵai yńǵaily jinaqtaý júiesine biriktiredi. Onyń ishinde:
- ata-ananyń salymy;
- «Bilim-Life» baǵdarlamasy boiynsha jinaqtar
- memlekettik syilyqaqy;
- «Ulttyq qor – balalarǵa» bastamasynyń qarajaty bar.
Baǵdarlamanyń basty maqsaty
Bala 18 jasqa tolǵannan keiin osylardyń bárin biriktirip, oqý aqysy úshin aýdarýǵa bolady. Al aqyly oqýǵa qajettilik bolmaǵan jaǵdaida jinaq otbasynyń ieliginde qalady. Osylaisha, bul júieniń basty ideiasy – bala óskenshe bilim kapitalyn qalyptastyrý bolmaq.
Bilim-Life sharttary qandai?
Bilim-Life aiasynda ata-ana nemese balanyń basqa da zańdy ókili 3 jyldan 20 jylǵa deiingi merzimge saqtandyrý shartyn jasaidy. Sondai-aq óz oqýyn óz betinshe tólegisi keletin eresekter de baǵdarlamaǵa qatysa alady. Otbasynyń múmkindigine qarai jarnany únemi bólip nemese bir ret birden tóleýge bolady. Teńgelei eń tómengi ai saiynǵy jarna 10 000 teńge. Sondai-aq, AQSh dollarynda jinaqtaý nusqasy da bar. Ondai jaǵdaida 750 dollardan bastap salyp, keiinnen tolyqtyryp otyrýǵa bolady. Baǵdarlama aiasyndaǵy qarajat – jarna, Halyk-Life-ten kepildi tabys jáne memlekettiń syilyqaqysy esebinen qalyptasady.
Memlekettik syilyqaqy 5% bolsa, jekelegen sanattaǵy balalar úshin 7%, biraq jylyna 100 AEK-ten aspaityn soma bolady.
Saqtandyrý – jinaqty qorǵaý
Saqtandyrýdyń bilimge arnalǵan túriniń qarapaiym depozitten ereksheligi – baǵdarlama jinaqtaý jáne saqtandyrý komponentteriniń basyn qosady. «Bilim-Life» baǵdarlamasy saqtandyrýshy kez kelgen sebeppen qaitys bolǵan nemese I nemese II toptaǵy múgedektikke ushyraǵan jaǵdaida da jalǵasa beredi. Iaǵni, mundai jaǵdaida Halyk-Life balaǵa belgilengen merzimge deiin bilim alýǵa arnalǵan saqtandyrý somasyn tóleýdi toqtatpaidy. Saqtandyrý búkil álem boiynsha táýlik boiy jumys isteidi.
Jinaqtardy qandai maqsatt paidalanýǵa bolady?
Baǵdarlama boiynsha jinalatyn qarajat oqý aqysyn tóleýge arnalǵan. Shart aiasynda Qazaqstanda jáne shetelde kásiptik-tehnikalyq, joǵary bilim jáne magistratýra qamtylady. Bala bilim berý grantyn alǵan jaǵdaida — shart talaptaryna sáikes qarjyny ózine qaldyra alady. Taǵy bir ereksheligi – eger qajettilik bolǵan jaǵdaida ol shartty basqa balasyna qaita resimdeýge bolady.
Tamshydan teńiz quralady
Bilim berý jinaǵynyń bir ereksheligi – qarjylai júktemeni birneshe jylǵa bólý múmkindigi. Oqýǵa túser aldynda qomaqty somany birden tóleýdiń ornyna, otbasy bilim berý kapitalyn turaqty jarnalar esebinen birtindep jinai alady. Ata-analar baǵdarlama sharttary aiasynda jinaq valiýtasyn, tólem mólsheri men kezeńdiligin ózi belgileidi.
Bilim-Life-ti Halyk-Life mobildi qosymshasy arqyly ońai rásimdeýge bolady. Bar bolǵany: tirkelý, baǵdarlama sharttarymen tanysý jáne shart jasasý degen úsh qadam kerek. Osylaisha, Bilim-Life aiasynda saqtandyrý birden birneshe mindetti biriktirýge múmkindik beredi: oqýǵa kapital jinaý, memlekettiń syilyqaqysy jáne otbasyn saqtandyrý.
Bilim-life baǵdarlamasy týraly qosymsha aqparatty 7123 nómiri boiynsha alýǵa bolady.
